បាត់ដំបង៖ ក្រសួងអប់រំ យុវជន និងកីឡា បានរៀបចំសិក្ខាសាលាបំប៉នសមត្ថភាពស្តីពី “ការអនុវត្តតេស្តរង្វាយតម្លៃលទ្ធផលសិក្សារបស់សិស្សបឋមសិក្សានៅតំបន់អាស៊ីអាគ្នេយ៍ (SEA-PLM)” ជូនដល់អនុរក្សតេស្ត និងសាលារៀនគោលដៅ ដើម្បីត្រៀមអនុវត្តតេស្តថ្នាក់តំបន់ជាផ្លូវការ នៅអំឡុងខែកក្កដា ឆ្នាំ២០១៩ ខាងមុខនេះ។
សិក្ខាសាលានេះបានប្រព្រឹត្តទៅក្រោមអធិបតីភាព ឯកឧត្ដមបណ្ឌិត អ៊ឹម កុច រដ្ឋលេខាធិការ ក្រសួងអប់រំ យុវជន និងកីឡា ចាប់ពីថ្ងៃចន្ទ ៨កើត ដល់ថ្ងៃពុធ ១០កើត ខែជេស្ឋ ឆ្នាំកុរ ឯកស័ក ព.ស.២៥៦៣ នៅសាកលវិទ្យាល័យបាត់ដំបង ខេត្តបាត់ដំបង។
ក្នុងឱកាសនោះឯកឧត្ដមបណ្ឌិតបានជំរុញ និងលើកទឹកចិត្តឱ្យអ្នកចូលរួមទាំអស់ខិតខំយកចិត្តទុកដាក់ សិក្សាស្វែងយល់នូវចំណេះដឹង និងបទពិសោធន៍ថ្មីៗ ព្រមទាំងពិភាក្សាឱ្យបានផុលផុសពីស្តង់ដាបច្ចេកទេសនៃតេស្តរង្វាយតម្លៃថ្នាក់តំបន់ ដើម្បីត្រៀមចុះធ្វើតេស្តរង្វាយតម្លៃជាផ្លូវការនៅទូទាំងប្រទេសឱ្យទទួលបានជោគជ័យតាមផែនការដែលបានគ្រោងទុក៕