ភ្នំពេញ៖ ក្រសួងអប់រំ យុវជន និងកីឡា សហការជាមួយធនាគារអភិវឌ្ឍអាស៊ី (ADB) បានរៀបចំពិធីដាក់ដំណើរការ “គម្រោងអភិវឌ្ឍន៍វិស័យអប់រំមធ្យមសិក្សាទុតិយភូមិទី២ (USESDP-II)” និងពិធីបិទ “គម្រោងអភិវឌ្ឍន៍វិស័យអប់រំដំណាក់កាលទី៣ (ESDP3)” ដើម្បីបង្ហាញពីវត្ថុបំណងនៃការដាក់ដំណើរការគម្រោង USESDP-II ព្រមទាំងបង្ហាញពីសមិទ្ធផល និងបទពិសោធន៍នៃគម្រោងESDP3។
លទ្ធផលរំពឹងទុកនៃគម្រោង USESDP-II មានចំនួនបីចំណុចគឺ៖
១. លើកកម្ពស់គុណភាពគ្រូបង្រៀននៅមធ្យមសិក្សាទុតិយភូមិ
២. លើកកម្ពស់គុណភាព និងការឆ្លើយតបទីផ្សារការងារនៃការអប់រំមធ្យមសិក្សាទុតិយភូមិ
៣. ពង្រឹងសមត្ថភាពស្ថាប័នសម្រាប់ការធ្វើផែនការ ការគ្រប់គ្រង និងការផ្ដល់សេវាអប់រំ
ពិធីនេះបានប្រព្រឹត្តទៅក្រោមអធិបតីភាពឯកឧត្ដមបណ្ឌិតសភាចារ្យ ណាត ប៊ុនរឿន រដ្ឋលេខាធិការក្រសួងអប់រំ យុវជន និងកីឡា នាព្រឹកថ្ងៃពុធ ២រោច ខែជេស្ឋ ឆ្នាំកុរ ឯកស័ក ព.ស.២៥៦៣ នៅសណ្ឋាគារ ហ៊ីម៉ាវ៉ារី រាជធានីភ្នំពេញ។ សូមជម្រាបថា គម្រោងអភិវឌ្ឍន៍ USESDP-II ត្រូវបានដាក់ដំណើរការរយៈពេល៦ឆ្នាំ ចាប់ពីឆ្នាំ២០១៨-២០២៤ ដោយប្រើប្រាស់ថវិកាសរុប ៥៣,៥០លានដុល្លារសហរដ្ឋអាមេរិក៕