រាជធានីភ្នំពេញ៖ ឯកឧត្ដមបណ្ឌិតសភាចារ្យ ហង់ ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា បានលើកឡើងបែបនេះ ក្នុងពិធីសម្ពោធដាក់ឱ្យប្រើប្រាស់បន្ទប់បណ្ដុះបណ្ដាលកុំព្យូទ័រ ដែលបានប្រព្រឹត្តទៅនាព្រឹកថ្ងៃពុធ ៩រោច ខែអាសាឍ ឆ្នាំកុរ ឯកស័ក ព.ស.២៥៦៣ នៅសាលាបឋមសិក្សាបាក់ទូក។
ក្នុងឱកាសនោះឯកឧត្ដមបានមានប្រសាសន៍ថា កុំព្យូទ័រ ដែលជាថវិការបស់ក្រសួងផ្ទាល់ ត្រូវបានប្រគល់ជូនតែសាលារៀនដែលមានការប្តេជ្ញាចិត្តខ្ពស់ក្នុងការប្រើប្រាស់ប្រកបដោយប្រសិទ្ធភាព និងចេះទាំ ដែលជាកត្តាដ៏សំខាន់ ដើម្បីធ្វើយ៉ាងឱ្យសិស្សមានទាំងចំណេះដឹង ចរិយាសម្បទា ប្រកបដោយបំណិន ក្លាយជាពលរដ្ឋល្អ និងជាធនធានដ៏កម្រ ធនធានល្អរបស់កម្ពុជា។
សូមជម្រាបថា ក្រសួងអប់រំ យុវជន និងកីឡា បានប្រគល់បន្ទប់បណ្ដុះបណ្ដាលកុំព្យូទ័រស្តង់ដារបច្ចេកទេស ICT ០១បន្ទប់ ជូនដល់សាលាបឋមសិក្សាបាក់ទូក ដែលក្នុងនោះមានដូចជា កុំព្យូទ័រ ប្រភេទ Thin Client ដែល មានកុំព្យូទ័រគ្រូ ចំនួន០១គ្រឿង និងកុំព្យូទ័រសិស្សចំនួន២៥គ្រឿង សរុប២៦គ្រឿង ម៉ាស៊ីនព្រីនធ័រ (Printer 3 Funtion Print, Scan, Copy) ចំនួន០១ គ្រឿង ម៉ាស៊ីនបញ្ចាំងស្លាយ (LCD Projector) ចំនួន០១គ្រឿង ផ្ទាំងបញ្ចាំងស្លាយ (Screen Projector) ចំនួនមួយគ្រឿង៕