ប្រទេសចិន៖ សិស្សានុសិស្សនៃព្រះរាជាណាចក្រកម្ពុជា ចំនួន៣៩រូប បានចូលរួមប្រកួតក្នុងកម្មវិធី “ទិវាប្រវត្តិសាស្រ្តធម្មជាតិសកលលោក” នៅទីក្រុង Shanghai ប្រទេសចិន ក្រោមការដឹកនាំពីគណៈកម្មការទិវាប្រវត្តិសាស្ត្រធម្មជាតិសកលលោកប្រចាំនៅកម្ពុជា និងដោយមានការសម្របសម្រួលបច្ចេកទេសពីសាស្រ្តាចារ្យ និងនិស្សិតនៃសាកលវិទ្យាល័យភូមិន្ទភ្នំពេញ និងវិទ្យាស្ថានបច្ចេកវិទ្យាកម្ពុជា។
ជាលទ្ធផលសិស្សានុសិស្សកម្ពុជាទទួលបានមេដាយមាសចំនួន១៧គ្រឿង មេដាយប្រាក់ចំនួន១៦គ្រឿង និងមេដាយសំរិទ្ធ ចំនួន៦គ្រឿង។ ការប្រកួតនេះ ផ្តោតជាសំខាន់ទៅលើការធ្វើគម្រោងស្រាវជ្រាវផ្នែកវិទ្យាសាស្រ្ត និងប្រវត្តិសាស្រ្តធម្មជាតិ ការតាំងបង្ហាញស្នាដៃវិទ្យាសាស្រ្ត និងការធ្វើបទបង្ហាញជាភាសាអង់គ្លេស៕