ព្រឹក ថ្ងៃអាទិត្យ ៤កើត ខែស្រាពណ៍ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី ០៤ ខែសីហា ឆ្នាំ២០១៩ ឯកឧត្តម ជាវ តាយ អភិបាលនៃគណៈអភិបាលខេត្តកំពត និងឯកឧត្តម ជឹងផល្លា ប្រធានក្រុមប្រឹក្សាខេត្ត បានអញ្ជើញចូលរួមក្នុងពិធីសំណេះសំណាលជាមួយគ្រូបង្រៀនស្ម័គ្រចិត្ត និងសិស្សរៀនបំប៉នត្រៀមប្រឡងសញ្ញាបត្រមធ្យមសិក្សាទុតិយភូមិ សម័យប្រឡង ថ្ងៃទី១៩-២០ ខែសីហា ឆ្នាំ២០១៩ មកពីក្រុងកំពត និងស្រុកទឹកឈូ ក្រោមអធិបតីភាព ឯកឧត្តមបណ្ឌិត ប៉ែន សុីម៉ន អ្នកតំណាងរាស្រ្ត និងជាប្រធានគណៈកម្មការទី១០ នៃរដ្ឋសភា។
សមាសភាពអញ្ជើញចូលរួម: ឯកឧត្តម លោកជំទាវ ក្រុមប្រឹក្សាខេត្ត ឯកឧត្តម លោកជំទាវ អភិបាលរងខេត្ត លោកនាយករដ្ឋបាលសាលាខេត្ត ប្រធានមន្ទីរ អង្គភាពជុំវិញខេត្ត នាយកទីចាត់ការ អង្គភាពចំណុះសាលាខេត្ត លោកគ្រូ អ្នកគ្រូ សិស្សានុសិស្ស មកពីក្រុងកំពត និងស្រុកទឹកឈូ សរុបប្រមាណ ១១០០ នាក់។
ក្នុងឱកាសនេះដែរ ឯកឧត្តមបណ្ឌិត ប៉ែនស៊ីម៉ន បានឧបត្ថម្ភថវិកា សរុប ៤៦,៦០០,០០០ រៀល ដល់សិស្សានុសិស្ស សរុប ៨០៤ នាក់ ដោយម្នាក់ៗទទួលបាន ៥ម៉ឺនរៀល និងលោកគ្រូអ្នកគ្រូចំនួន ៦៤នាក់ ដោយម្នាក់ៗទទួលបាន ១០ម៉ឺនរៀល។
ឯកឧត្តមអភិបាលខេត្ត បានឧបត្ថម្ភ ថវិកាសរុប ៤៥០,០០០រៀល ដល់ កងម្លាំងទាំងបី ចំនួន ១៥នាក់ ដោយម្នាក់ៗទទួលបាន ២ម៉ឺនរៀល និង ក្រុមគ្រូពេទ្រ ៣នាក់ ដោយម្នាក់ៗទទួលបានថវិកា ៥ម៉ឺនរៀល។
