នៅព្រឹកថ្ងៃទី ០៨ខែសីហា ឆ្នាំ២០១៩ លោកហែម ដារិទ្ធិ អភិបាល នៃគណៈអភិបាលខណ្ឌពោធិសែនជ័យ បានអញ្ជេីញជាអធិបតីភាពពិធីសម្ពោធដាក់អោយប្រើប្រាស់ជាផ្លូវការសមិទ្ធិផលនានាដែលរដ្ឋបាលខណ្ឌពោធិសែនជ័យ និងក្រុមហ៊ុនបុរីភ្នំពេញថ្មី បានរួមកសាងសម្រាប់វត្តសិរីសោភា (អង្គតាម៉ិញ) សង្កាត់ចោមចៅទី១ និងសង្កាត់កាកាបទី១ ខណ្ឌពោធិសែនជ័យ។ សមិទ្ធផលដែលក្រុមហ៊ុនបុរីភ្នំពេញថ្មី បានផ្តល់ជាសទ្ធាជ្រះថ្លារួមចំណែកកសាងសំណង់រួមមាន៖
១-ខ្លោងទ្វាវត្តចំនួន ១ កម្ពស់ ៥ម៉ែត្រ ទទឹង ៥ម៉ែត្រ
២-កសាងរបងវត្តប្រវែង ៥០ម៉ែត្រ បំពាក់ដោយក្បាច់
៣-សំអាតទីធ្លាវត្ត ដោយក្រាលការ៉ូឡាទំហំ ៣៥០ម៉ែត្រក្រឡា
៤-រួមចំណែកជាមួយរដ្ឋបាលខណ្ឌជួសជុល និងស្ថាបនាផ្លូវបេតុងចំនួន ០១ខ្សែ ប្រវែង ៦០០ម៉ែត្រ ទទឹង ១០ម៉ែត្រ ដែលលំអរដោយខឿនរៀបចំតាមចិញ្ចើមផ្លូវ។
សមិទ្ធផលនានាដែលក្រុមហ៊ុនបុរីភ្នំពេញថ្មីជូនដល់វត្តសិរីសោភា (អង្គតាម៉ិញ) ក៏ដូចជាបងប្អូនប្រជាពលរដ្ឋខណ្ឌពោធិ៍សែនជ័យ នាឱកាសនោះមានទំហំថវិកាសរុប ៤៥០,៥០០ដុល្លារអាមេរិក។