ឯកឧត្តមអភិបាលខេត្តតាកែវ អញ្ជើញចុះពិនិត្យមើល ទីទួលសុវត្ថិភាព ស្ថានភាពទឹកជំនន់ នៅក្នុងស្រុកបូរីជលសារ និងបានណែនាំដល់អាជ្ញាធរជំនាញ ត្រូវបង្កើនការយកចិត្តទុក ដាក់ចំពោះសុវត្ថិភាពបងប្អូនប្រជាពលរដ្ឋ


តាកែវ÷ នៅព្រឹកថ្ងៃសៅរ៍ ១ រោច ខែភទ្របទ ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃទី១៤ ខែកញ្ញា ឆ្នាំ២០១៩ ឯកឧត្តម អ៊ូច ភា អភិបាលនៃគណៈអភិបាលខេត្តតាកែវ រួមដំណើរដោយ លោក ទុយ សុភ័ក្រ អភិបាលស្រុកបូរីជលសារ រួមជាមួយនឹងមន្រ្តីជំនាញ បានអញ្ជើញចុះពិនិត្យមើលទីទួល សុវត្ថិភាព និងស្ថានភាពទឹកជំនន់ ដែលកំពុងហក់ឡើងយ៉ាងខ្លាំង នៅឃុំកំពង់ក្រសាំង និងឃុំជ័យជោគ ស្រុកបូរីជលសារ ខេត្តតាកែវ។

ឆ្លៀតក្នុងឱកាសនោះដែរ ឯកឧត្តម អ៊ូច ភា អភិបាលខេត្តតាកែវ ក៏បានណែនាំដល់ អាជ្ញាធរពាក់ព័ន្ធទាំងអស់ ក៏ដូចជាបងប្អូនប្រជាពលរដ្ឋទាំងអស់ ត្រូវ​បង្កើន​ការប្រុងប្រយ័ត្ន​ខ្ពស់ ត្រូវ​ត្រូវថែរក្សាសុខភាពរបស់ខ្លួនឲ្យជៀស ផុតឆ្ងាយពីជំងឺផ្សេងៗ ដែល​បណ្តាល​មកពី​ការ ខ្វះ​អនាម័យ ជាពិសេស​ត្រូវ​ប្រយ័ត្ន​ក្មេង​តូចៗ និង​មនុស្ស​ចាស់​ដែល​គ្រោះថ្នាក់​ដោយសារ​លង់ទឹក។ មួយវិញទៀត ត្រូវ​ប្រុងប្រយ័ត្ន​ចំពោះ​សត្វ​អាសិ រពិស បើសិន​មាន​តិច ឬ​ខាំ ត្រូវ​បញ្ជូន​ទៅ​មណ្ឌល​សុខ​ភាព ឬ​ក្រុមគ្រូពេទ្យ នៅជិតបំផុត។

ឯកឧត្តមអភិបាលខេត្ត បានបន្តថា ដើម្បីទប់ទល់ស្ថាន ការ ណ៍ទឹកជំនន់ ដែលកំពុងហក់ឡើងយ៉ាងខ្លាំង ដែលកើតឡើងដោតជំនន់ទឹកភ្លៀង ហើយប្រសិនមានស្ថានការណ៍ណាប្រែ ប្រួលសូមធ្វើការរាយការណ៍ មក គណៈអភិបាលស្រុក នឹងគណៈអភិបាលខេត្ត ដើម្បីជួយសង្រ្គោះបងប្អូនប្រជាពលរដ្ឋ នឹងធ្វើការជម្លៀសបងប្អូនប្រជាពលរដ្ឋ បានទាន់ពេលវេលា នាំយកមកទុកនូវទីទួលសុវត្ថិភាព ដែលអាជ្ញាធរស្រុកបានរៀបចំត្រៀមរួចជាស្រេច ។

ឯកឧត្តម អ៊ូច ភា អភិបាលខេត្ត ក៏បាក៏បានផ្ដាំផ្ញើដល់អាជ្ញាធរស្រុក និងមន្រ្តីជំនាញទាំងអស់ ត្រូវ​យកចិត្តទុកដាក់​ខ្ពស់​ទៅ លើសុខទុក្ខរបស់បងប្អូនប្រជាពលរដ្ឋ ដែលនៅមូលដ្ឋានកំពុងជួបប្រទះ នូវគ្រោះមហន្តរាយទឹកជំនន់នេះ ៕