ឯកឧត្តមអភិបាលខេត្តតាកែវ អញ្ជើញចុះពិនិត្យមើល ទីទួលសុវត្ថិភាព ស្ថានភាពទឹកជំនន់ នៅក្នុងស្រុកបូរីជលសារ និងបានណែនាំដល់អាជ្ញាធរជំនាញ ត្រូវបង្កើនការយកចិត្តទុក ដាក់ចំពោះសុវត្ថិភាពបងប្អូនប្រជាពលរដ្ឋ

ឆ្លៀតក្នុងឱកាសនោះដែរ ឯកឧត្តម អ៊ូច ភា អភិបាលខេត្តតាកែវ ក៏បានណែនាំដល់ អាជ្ញាធរពាក់ព័ន្ធទាំងអស់ ក៏ដូចជាបងប្អូនប្រជាពលរដ្ឋទាំងអស់ ត្រូវ​បង្កើន​ការប្រុងប្រយ័ត្ន​ខ្ពស់ ត្រូវ​ត្រូវថែរក្សាសុខភាពរបស់ខ្លួនឲ្យជៀស ផុតឆ្ងាយពីជំងឺផ្សេងៗ ដែល​បណ្តាល​មកពី​ការ ខ្វះ​អនាម័យ ជាពិសេស​ត្រូវ​ប្រយ័ត្ន​ក្មេង​តូចៗ និង​មនុស្ស​ចាស់​ដែល​គ្រោះថ្នាក់​ដោយសារ​លង់ទឹក។ មួយវិញទៀត ត្រូវ​ប្រុងប្រយ័ត្ន​ចំពោះ​សត្វ​អាសិ រពិស បើសិន​មាន​តិច ឬ​ខាំ ត្រូវ​បញ្ជូន​ទៅ​មណ្ឌល​សុខ​ភាព ឬ​ក្រុមគ្រូពេទ្យ នៅជិតបំផុត។

ឯកឧត្តមអភិបាលខេត្ត បានបន្តថា ដើម្បីទប់ទល់ស្ថាន ការ ណ៍ទឹកជំនន់ ដែលកំពុងហក់ឡើងយ៉ាងខ្លាំង ដែលកើតឡើងដោតជំនន់ទឹកភ្លៀង ហើយប្រសិនមានស្ថានការណ៍ណាប្រែ ប្រួលសូមធ្វើការរាយការណ៍ មក គណៈអភិបាលស្រុក នឹងគណៈអភិបាលខេត្ត ដើម្បីជួយសង្រ្គោះបងប្អូនប្រជាពលរដ្ឋ នឹងធ្វើការជម្លៀសបងប្អូនប្រជាពលរដ្ឋ បានទាន់ពេលវេលា នាំយកមកទុកនូវទីទួលសុវត្ថិភាព ដែលអាជ្ញាធរស្រុកបានរៀបចំត្រៀមរួចជាស្រេច ។

ឯកឧត្តម អ៊ូច ភា អភិបាលខេត្ត ក៏បាក៏បានផ្ដាំផ្ញើដល់អាជ្ញាធរស្រុក និងមន្រ្តីជំនាញទាំងអស់ ត្រូវ​យកចិត្តទុកដាក់​ខ្ពស់​ទៅ លើសុខទុក្ខរបស់បងប្អូនប្រជាពលរដ្ឋ ដែលនៅមូលដ្ឋានកំពុងជួបប្រទះ នូវគ្រោះមហន្តរាយទឹកជំនន់នេះ ៕