ខេត្តកំពង់ចាម៖ អង្គវិបស្សនាប្រចាំឆ្នាំ ត្រូវបានរៀបចំឡើងដើម្បី ផ្ដល់វេទិកាសម្រាប់អ្នកពាក់ព័ន្ធទាំងអស់ក្នុងការពិភាក្សាអំពីបញ្ហាប្រឈម ដើម្បីវាយតម្លៃអំពីវឌ្ឍនភាពវិស័យអប់រំ
ព្រមទាំងបង្កើតឱកាសដើម្បីឈានទៅសម្រេចបាននូវកិច្ចព្រមព្រៀងគ្នាលើចំណុចអាទិភាព ក្នុងវិស័យអប់រំ។
អង្គវិបស្សនានេះផងដែរ ដើម្បីផ្ដល់ឱកាសសម្រាប់ក្រសួងអប់រំ យុវជន និងកីឡា និងដៃគូអភិវឌ្ឍដើម្បីឆ្លុះបញ្ចាំងការងារ ដោយពឹងផ្អែកលើរបាយការណ៍ និងកិច្ចពិភាក្សា ដែលទទួលបានពីសន្និបាតអប់រំ ឆ្នាំ២០១៩ បញ្ហាពាក់ព័ន្ធនឹងគោលដៅអភិវឌ្ឍប្រកបដោយចីរភាពជាដើម ព្រមទាំងជួយឱ្យដៃគូអភិវឌ្ឍអាចកំណត់បានថា ត្រូវធ្វើដូចម្ដេចដើម្បីឱ្យកម្ពុជាអាចសម្រេចបានគោលដៅអភិវឌ្ឍបានកាន់តែប្រសើរជាងមុន។
អង្គវិបស្សនានេះ ត្រូវបានដឹកនាំដោយឯកឧត្ដមបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា និងប្រធានក្រុមការងារបច្ចេកទេសចម្រុះវិស័យអប់រំ ព្រមទាំងមានការចូលរួមពីសំណាក់ថ្នាក់ដឹកនាំក្រសួងអប់រំ យុវជន និងកីឡា តំណាងអង្គការដៃគូពាក់ព័ន្ធ ព្រមទាំងលេខាធិការនៃក្រុមការងារបច្ចេកទេសចម្រុះវិស័យអប់រំថ្នាក់ក្រោមជាតិ (JTWG) និងក្រុមការងារបច្ចេកទេសចម្រុះវិស័យអប់រំ (ESWG)៕
២៦ – ២៨ វិច្ឆិកា ២០១៩ | សណ្ឋាគារ LBN ខេខេត្តកំពង់ចាម
