វេទិកាផ្សព្វផ្សាយ និង ពិគ្រោះយោបល់របស់ក្រុមប្រឹក្សាខេត្តឆ្នាំទី ១ អាណត្តិទី ៣ ឆ្នាំ ២០១៩ បានប្រព្រឹត្តទៅលើកទី ២ នៅស្រុកវាលវែងនាថ្ងៃទី ១១ ខែធ្នូ ឆ្នាំ ២០១៩ ក្រោមអធិបតីភាពឯកឧត្តមម៉ក់ រ៉ា ប្រធានក្រុមប្រឹក្សាខេត្ត និង ឯកឧត្តមបខូយ រីដា អភិបាលរងខេត្ត តំណាងដ៏ខ្ពង់ខ្ពស់ឯកឧត្តមបណ្ឌិត ម៉ៅ ធនិន អភិបាលនៃគណៈអភិបាលខេត្តដោយមានការចូលរួមពី ក្រុមប្រឹក្សាស្រុកអភិបាលស្រុក កងកម្លាំងប្រដាប់អាវុធស្រុក មន្ត្រីរាជការស្រុក ក្រុមប្រឹក្សាឃុំ តំណាងប្រជាពលរដ្ឋប្រធានមន្ទីរ អង្គភាពខេត្ត មន្ត្រីសាលាខេត្ត និងវាគ្មិនជំនាញនានា មួយចំនួនទៀតសរុប ២៨៤ នាក់ និង ស្ត្រី៤៧ នាក់ ។
ឯកឧត្តម ម៉ក់ រ៉ា ប្រធានក្រុមប្រឹក្សាខេត្ត បានលើកឡើងពីគោលបំណងរបស់អង្គវេទិកា ព្រមទាំងមានមតិបើកទូលាយ ផ្ដល់ឱកាសដល់សមាជិកសមាជិកា ដើម្បីលើកឡើងពីបញ្ហា ប្រឈមនានាកង្វល់ផ្សេងៗជាពិសេសសំណូមពរនិងតម្រូវការដែលទាក់ទងនឹងជីវភាពរស់នៅប្រចាំថ្ងៃនិងការអភិវឌ្ឍ នាអនាគត ។
អង្គវេទិកាបានប្រព្រឹត្តទៅ ដោយមានការចូលរួមមានមតិយ៉ាងផុលផុស ពីសំណាក់សមាជិកសមាជិកា ក្នុងនោះទាក់ទងនឹងសំណូមពរ សេវាសាធារណៈ សំណួរផ្សេងៗជាច្រើន ។ ពីបញ្ហាព្រៃឈើនិងដីធ្លី ។ល។ ដាក់ជូនវាគ្មានបកស្រាយ ក្រោមការ
សម្របសម្រួលពី ឯកឧត្តម ម៉ក់ រ៉ា ប្រធានក្រុមប្រឹក្សាជាគណៈធិបតី ។
លទ្ធផលនៃអង្កវេទិការរួមមាន: សំណួរ,សំណូមពរ និងទុក្ខកង្វល់ របស់ប្រជាជនសរុបមាន៣៧ ក្នុងនោះផ្ទាល់មាត់ ១៧ លិខិត ២០ ។
ឯកឧត្តម ម៉ក់ រ៉ា បានធ្វើការបូកសរុបនិងឆ្លើយបំភ្លឺ ព្រមទាំងផ្តល់អនុសាសន៍មួយចំនួនគឺ:
-ស្រុកវាលវែងខាងមុខនិងបើកច្រកព្រំដែន កម្ពុជា ថៃ
-ត្រូវសហការ រិះរកការបង្កើនផល្លិតផល កសិកម្ម ធានាជីវភាពរបស់ប្រជាជន ។
-ការពាឲ្យខាងតែបាន សន្តិសុខ សណ្តាប់ធ្នាប់សាធារណ: នៅក្នុងមូលដ្ឋាន ដោយអនុវត្តន៍ភូមិ ឃុំ មានសុវត្ថិភាព ។
-ត្រូវដោះស្រាយ សេចក្តីត្រូវការ សំណូមពរ និងទុក្ខលំបាកនានា របស់ប្រជាជន ឲ្យបានល្អ តាមគោលនយោបាយយុទ្ធសាស្ត្រចតុកោណរបស់រាជរដ្ឋាភិបាល ។
-ទាំងអស់គ្នាត្រូវតែគោរពច្បាប់(នីតិរដ្ឋ)
-ចូលរួមទាំងអស់គ្នាការពារព្រៃឈើដីធ្លីរបស់រដ្ឋ
-ជនល្មើសដែលបានប្រព្រឹត្តបទល្មើសរុករានកាប់បំផ្លាញព្រៃឈើ ត្រូវអនុវត្តន៍ទៅតាមនីតិវិធីច្បាប់។
អង្គវេទិកា បានបញ្ចប់វេលាម៉ោង ១១ និង ៣០ នាទីនាថ្ងៃដដែល ។
