ឯកឧត្តម កិត្តិនីតិកោសលបណ្ឌិត ប៊ិន ឈិន ឧបនាយករដ្ឋមន្ត្រីប្រចាំការ រដ្ឋមន្ត្រីទទួលបន្ទុកទីស្ដីគណៈរដ្ឋមន្រ្តី និងជាប្រធានក្រុមការងារថ្នាក់ជាតិចុះមូលដ្ឋានខេត្តតាកែវ ព្រមទាំង ឯកឧត្តម លោកជំទាវ អ្នកតំណាងរាស្រ្តមណ្ឌលតាកែវ ប្រធានក្រុមការងារជាតិចុះមូលដ្ឋានក្រុង ស្រុក នៅព្រឹកថ្ងៃអង្គារ ១៣ កើត ខែបុស្ស ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃទី៧ ខែមករា ឆ្នាំ២០២០ ឯកឧត្តម យស ណាស៊ី ប្រធានក្រុមប្រឹក្សាខេត្ត ឯកឧត្តម អ៊ូច ភា អភិបាលនៃគណៈអភិបាលខេត្តតាកែវ និងលោកជំទាវ ឯកឧត្តម លោកជំទាវ ក្រុមប្រឹក្សាខេត្ត អភិបាលរងខេត្ត លោក លោកស្រី ប្រធាន អនុប្រធានមន្ទីរអង្គភាពជុំវិញខេត្ត លោក លោកស្រី អភិបាល អភិបាលរងក្រុង ស្រុក លោកគ្រូ អ្នកគ្រូ សិស្សានុសិស្ស និងមន្រ្តីរាជការ ប្រជាពលរដ្ឋជាង ១ម៉ឺននាក់ បានអញ្ជេីញអបអរសាទរយ៉ាងក្លៀវក្លាខួបអនុស្សាវរីយ៏លេីកទី៤១ ទិវាជ័យជម្នៈ ៧មករា ដែលបានប្រារព្ធធ្វេីឡេីងនៅមុខសាលមហោស្រពខេត្តតាកែវ។
ឯកឧត្តមកិត្តិនីតិកោសលបណ្ឌិត បានរំលឹកឡេីងវិញពីសោកនាដកម្មដែលប្រជាពលរដ្ឋខ្មែរទូទាំងប្រទេសជួបប្រទះក្នុងរបបប្រល័យពូជសាសន៍ ប៉ុល ពត និងអំពាវនាវឱ្យប្រជាជនខ្មែរជាពិសេសយុវជនសិក្សា និងចងចាំឱ្យច្បាស់ពីប្រវត្តិសាស្ត្រដ៏ជូចត់នេះ ។
បន្ថែមពីនេះឯកឧត្តមក៏បានរំលឹកផងដែរពីការខិតខំតស៊ូលះបង់សាច់ស្រស់ ឈាមស្រស់របស់ថ្នាក់ដឹកនាំ និងយុទ្ធជនគណបក្សប្រជាជនកម្ពុជា ដែលមានសម្តេចអគ្គមហាសេនាបតីតេជោ ហ៊ុន សែន ជានាយករដ្ឋមន្ត្រីក្នុងការរំដោះប្រទេសជាតិចេញពីរបបយង់ឃ្នងប្រល័យពូជសាសន៍ ប៉ុល ពត ព្រមទាំងការពារ កសាង អភិវឌ្ឍន៍ប្រទេសឱ្យរីកចម្រេីនដូចសព្វថ្ងៃ។
ប្រជាពលរដ្ឋកម្ពុជានៅទូទាំងប្រទេស បានចាត់ទុកថ្ងៃ ៧ មករា ឆ្នាំ១៩៧៩ ជាថ្ងៃជ័យជម្នះជាប្រវត្តិសាស្រ្តរបស់ប្រជាជនកម្ពុជា ជាថ្ងៃបើកឡើងវិញនូវទំព័រសករាជថ្មី គឺឯករាជ្យ សេរីភាព ប្រជាធិបតេយ្យ និងវឌ្ឍនភាពសង្គម។ ផ្តើមចេញពីថ្ងៃទី៧ ខែមករា ឆ្នាំ១៩៧៩នោះហើយ ដែលបានធ្វើឱ្យប្រជាជនកម្ពុជា រស់រានមានជីវិតជាថ្មី និងជាជំហាននាំឱ្យជាតិកម្ពុជា វិវឌ្ឍន៍ពីសភាពជានរកអវចីយ មកជាប្រទេសមានការរីកចម្រើន និងវឌ្ឍនភាពដ៏ចាំងចែងដូចពេលបច្ចុប្បន្ន។
