ខេត្តស្ទឹងត្រែង៖ ថ្នាក់ដឹកនាំក្រសួងអប់រំ យុវជន និងកីឡា បានរៀបចំសន្និបាតអប់រំ យុវជន និងកីឡា ឆ្នាំសិក្សា២០១៨-២០១៩ លើកទិសដៅការងារ ២០១៩-២០២០ ដើម្បីបូកសរុប វាយតម្លៃលទ្ធផលដែលសម្រេចបាននាឆ្នាំសិក្សាចាស់ និងការត្រៀមរៀបចំលើកទិសដៅសម្រាប់ឆ្នាំសិក្សាថ្មី។
ពិធីនេះបានប្រព្រឹត្តទៅក្រោមអធិបតីភាព ឯកឧត្ដមបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា។ ក្នុងឱកាសនោះ ឯកឧត្ដមក៏បានសំណេះសំណាលសួរសុខទុក្ខ និងប្រគល់លិខិតថ្លែងអំណរគុណដល់គរុសិស្សដែលបានបំពេញភារកិច្ចជាជំនួយការអប្បមាទទូទាំងប្រទេសនៃការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង១៩ សីហា ២០១៩ កន្លងទៅនេះ ប្រកបដោយស្មារតីទទួលខុសត្រូវខ្ពស់ និងជោគជ័យ។
ក្នុងឱកាសនោះឯកឧត្ដមបានមានប្រសាសន៍បណ្ដាំផ្ញើស្ដីពីការគ្រប់គ្រងសាលារៀនដែលមានកត្តា៤សំខាន់ៗគឺ៖
១.ការដឹកនាំ និងការគ្រប់គ្រង
២.ការរៀន និងបង្រៀន
៣.ការវាយតម្លៃលទ្ធផលសិក្សា
៤.ការចូលរួមពីសំណាក់មាតាបិតា អាណាព្យាបាល ក្រុមប្រឹក្សាកុមារ/យុវជនជាដើម៕
១៥ មករា ២០២០ | ខេត្តស្ទឹងត្រែង
