នាយឧត្តមសេនីយ៍ទេសរដ្ឋមន្ត្រី គន់ គីម អនុប្រធាន និងជាអគ្គលេខាធិការសមាគមអតីតយុទ្ធជនកម្ពុជា អមដំណេីរដោយ ឯកឧត្តម សុខ លូ អភិបាល នៃគណៈអភិបាលខេត្ត កំពង់ធំបានអញ្ជេីញជាអធិបតីក្នុងកិច្ចប្រជុំបូកសរុបលទ្ធផលការងារ សមាគមអតីតយុទ្ធជនកម្ពុជាខេត្តកំពង់ធំ។
នាយឧត្តមសេនីយ៍ទេសរដ្ឋមន្ត្រី គន់ គីម ក៏បានថ្លែងកោតសរសើរ និង វាយតម្លៃខ្ពស់ចំពោះការខិតខំបំពេញភារកិច្ចយ៉ាងសកម្ម និងដោយស្ម័គ្រចិត្តរបស់ថ្នាក់ដឹកនាំសមាគមគ្រប់ថ្នាក់ ធ្វើឲ្យការងារសមាគមមានសន្ទុះវិវឌ្ឍន៍គួរឲ្យកត់សម្គាល់។
ឯកឧត្តម បានណែនាំឲ្យថ្នាក់ដឹកនាំសមាគមគ្រប់ថ្នាក់ ត្រូវបន្តការចុះសួរសុខទុក្ខអតីតយុទ្ធជនដើម្បីស្វែងយល់ពីស្ថានភាពជីវភាព សុខភាព និង មានវិធានការជួយពួកគាត់ពេលមានបញ្ហាអោយទាន់ពេលវេលា។ ដោយឡែកថ្នាក់ដឹកនាំ ស អ ក ខេត្តត្រូវសហការជាមួយស្ថាប័នជំនាញធ្វេីជាសេនាធិការអោយអភិបាលខេត្តធ្វេីការគ្រប់គ្រងដីសម្បទានសង្គមកិច្ចដែលរដ្ឋប្រគល់អោយដេីម្បីបែងចែកជាឡូត៍ នឹងស្នេីសុំសម្តេចតេជោ កសាងផ្ទះជូនបងប្អូនដែលអត់ដីអត់ផ្ទះ ទាំង១៩៨គ្រួសារ។