នៅថ្ងៃព្រហស្បតិ៍ ៤រោច ខែផល្គុន ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី១២ ខែមីនា ឆ្នាំ២០២០ ក្រុមការងារបច្ចេកទេស នៃក្រសួងធនធានទឹក និងឧតុនិយម ដឹកនាំដោយ ឯកឧត្តម ឈា ប៊ុនរិទ្ធ អគ្គនាយកកិច្ចការបច្ចេកទេស អមដំណើរដោយអគ្គនាយករង ប្រធាននាយកដ្ឋានជំនាញពាក់ព័ន្ធ សហការជាមួយលោកប្រធានមន្ទីរធនធានទឹក និងឧតុនិយមខេត្តស្វាយរៀង បានចុះពិនិត្យជាក់ស្តែងនូវស្ថានភាពអាងទឹកវ៉ៃគោ និងបានណែនាំកិច្ចការបច្ចេកទេសលម្អិតបន្ថែម ក្នុងការកំណត់ព្រំប្រទល់ និងផ្ទៃអាងទឹក ក្នុងការថែរក្សា និងអភិរក្សអាងទឹកវ៉ៃគោ ដើម្បីធានាបានដល់ការស្តុកទឹកក្នុងអាងឲ្យបានច្រើន សម្រាប់បម្រេីដល់វិស័យកសិកម្ម ក៏ដូចជាតម្រូវការប្រេីប្រាស់ប្រចាំថ្ងៃរបស់បងប្អូនប្រជាពលរដ្ឋនៅរដូវប្រាំង ព្រមទាំងប្រព័ន្ធអេកូឡូស៉ីផងដែរ ៕
