ស្ពានបេតុងពីរកន្លែងក្នុងស្រុកកំពង់សៀមខេត្តកំពង់ចាម

ដោយឡែក ចំពោះស្ពានហាន់ជយ័ នៅជើងភ្នំហាន់ជយ័ ក៏ជាស្ពានដែកបាទ្បេមួយដែលមានសភាពចាស់ទ្រុឌទ្រោម មិនអាចដំណើរការដឹកទំនិញឆ្លងកាត់បាន ហើយដោយសារទឹកជំនន់ ហូរបាក់ច្រាំង និងស្រុតជើងស្ពាន ពេលរដូវទឹកចាប់ផ្តើមស្រក់វិញយ៉ាងគំហ៊ុក និងចរាចរចង្អៀតផងនោះ។ ទើបនាចុងឆ្នាំ២០១៩កន្លងមក មានការស្នើសុំថវិកាទៅក្រសួងសេដ្ឋកិច្ចនិងហិរញ្ញវត្ថុតាមរយះក្រសួងអភិវឌ្ឍជនបទ លើកគំរោងសាងសង់ស្ពានបេតុងថ្មីដោយមានទទឹងធំជាងមុនអាចធ្វើចរាចរទៅមកបាន អែបនិងស្ពានបាទ្បែចាស់។ គម្រោងសាងសង់នេះដែរគឺអនុវត្តដោយនាយកដ្ឋានផ្លូវលំ និងបានចាប់ផ្តើសាងសង់នាថ្ងៃទី១៥ខែមេសា ឆ្នាំ២០១៩ ដែលបច្ចុប្បន្ន សម្រេចបានជាង៦០% ភាគរយហើយ ។ ស្ពាននេះជាស្ពានបេតុង មានទទឹង ១០ ម៉ែត្រ និងបណ្តោយ ១២៦ម៉ែត្រ ដែលគ្រោងនឹងសម្រេចរួចរាល់ នៅមុនដំណាច់ខែមិថុនាខាងមុខ គឺនៅមុនទឹកឡើងរដូវវស្សាឆ្នាំ២០២០នេះ។

ឆ្លៀតក្នុងឱកាសនោះ ឯកឧត្តម ប្រធានក្រុមប្រឹក្សាខេត្ត និង ឯកឧត្តមអភិបាលខេត្ត រួមទាំងសហការី បានអញ្ជើញចូលជួបថ្វាយបង្គំ សួរសុខទុក្ខ ព្រះអង្គមេគណខេត្ត និងជាចៅអធិការនៅវត្តហាន់ជយ័ ដែលទើបនិមន្តមកពីមន្ទីរពេទ្យវះកាត់ជំងឺ ក្លន និងបានមកសម្រាកព្យាបាលនៅកុដព្រះអង្គផ្ទាល់ អស់រយៈពេលជាងមួយខែមកហើយ ដោយមានសុខភាពល្អធម្មតា។ ជាមួយនោះ ឯកឧត្តម ប្រធានក្រុមប្រឹក្សាខេត្ត និង ឯកឧត្តមអភិបាលខេត្ត បានប្រកេន ថវិកា ២លានរៀល ដល់ព្រះអង្គមេគណដើម្បីបន្តថែទាំសុខភាព។

បន្ទាប់មក ឯកឧត្តមអភិបាលខេត្ត រួមជាមួយលោកប្រធានមន្ទីរសុខាភិបាលខេត្តកំពង់ចាម បានបន្តចុះមក អតីតសណ្ឋាគារមេគង្គ ដែលជាកន្លែងស្នាក់នៅដាច់ដោយឡែករយៈពេល១៤ថ្ងៃ របស់បុគ្គលិក ទាំង២៤នាក់ របស់កប៉ាល់ ក្រុមហ៊ុនវៀតណាម Viking Cruise Journey ដើម្បីចូលរួមជាមួយ ឯកឧត្តម ចាយ សាមិត្ត អនុរដ្ឋលេខាធិការ ក្រសួងបរិស្ថាន និង លោកប្រធានមន្ទីរបរិស្ថានខេត្ត ដោយមានអ្នកបច្ចេកទេស យកម៉ាស៊ីនវាស់គុណភាពខ្យល់ មកតាមដានខ្យល់បរិយាកាស ក្នុងបរិវេណកន្លែងស្នាក់នៅ ដើម្បីបន្តរកវិធីបន្សុតខ្យល់ បើករណីខ្យល់ពុំមានគុណភាពគ្រប់គ្រាន់ទេនោះ៕