(ភ្នំពេញ)៖ លោកជំទាវ ឡោក ខេង ប្រធានក្រុមការងារចុះជួយសង្កាត់ច្បារអំពៅទី២បានអញ្ជើញចុះផ្សព្វផ្សាយជាមួយប្រជាពលរដ្ឋ ឱ្យបង្កើនការបន្តចូលរួមប្រយុទ្ធប្រឆាំងនិងការពារជំងឺឆ្លង កូវីដ ១៩បន្តទៅទៀត ជាពិសេសនៅក្នុងរដូវធ្លាក់ភ្លៀង ខាងមុខនេះត្រវខិតខំការពារទ្វេរដង និងនាំអំណោយជូនបងប្អូនប្រជាពលរដ្ឋ នូវអង្ករ ១០គីឡូ ទឹកស៊ីអ៊ឺវ១យួរ ដែលមានជីវភាពខ្វះខាត ចំនួន១១៨ គ្រួសារ នៅភូមិដើនចាន់១ ដើម្បីដោះស្រាយក្នុងរដូវកាលប្រឆាំងជំងឺកូវីដ១៩ នេះ។
លោកជំទាវ បានសំណូមពរអោយអាជ្ញាធរ ភូមិ សង្កាត់ តាមដានអោយជាប់ជាប្រចាំជាមួយប្រជាជនយើងគឺ៖
១-ខិតខំការពារ កុំធ្វេសប្រហែសពីបញ្ហាជំងឺកូវីដនេះអោយសោះនៅគ្រប់សហគមន៏ពិសេសរដូវភ្លៀងខាងមុខនេះ ។
២-ខិតខំតាមដាននូវជីវភាពបងប្អូនប្រជាជនក្នុងមូលដ្ឋានកុំអោយមានបងប្អូនណាម្នាក់ដាច់បាយអោយសោះ។
លោកជំទាវ ឡោក ខេង សូមថ្លែងអំណរគុណ ចំពោះបងប្អូនដែលបានខិតខំការពារនូវសុខភាពរបស់ខ្លួន និងក្រុមគ្រួសារខ្លួន ដើម្បី អោយសង្គមយើងរស់នៅដោយសុវត្ថិភាព និងសុភមង្គល។
លោកជំទាវ ប្តេជ្ញា រួមរស់ តស៊ូ នៅក្នុងគ្រាលំបាកនេះជាមួយគ្នា ដោយមិនអោយប្រជាជនយើងណាម្នាក់ រងគ្រោះ ដោយកូវីដ១៩ឬស្លាប់ដោយសារអត់បាយជាដាច់ខាត។