ឯកឧត្តម​ សាន​ វិសាល​ បានចុះត្រួតពិនិត្យ​ វាយតម្លៃ​ បញ្ចប់សុពលភាពលើ​ការងារ​ស្ថាបនាផ្លូវ​​ចំនួន​ ០២ គម្រោង ក្នុងខេត្តសៀមរាប


នាថ្ងៃពុធ ១៤រោច ខែពិសាខ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី​ ២០​ ខែឧសភា ឆ្នាំ ២០២០ គណ:កម្មកា​រ​អន្តរ​ក្រសួង​ មានតំណាងក្រសួងអភិវឌ្ឍន៍ជនបទ និងតំណាងក្រសួងសេដ្ឋកិច្ច និងហិរញ្ញវត្ថុ ដឹកនាំដោយ​ ឯកឧត្តម​ សាន​ វិសាល​ រដ្ឋលេខាធិការ​ តំណាងឯកឧត្ដមបណ្ឌិត អ៊ុក រ៉ាប៊ុន រដ្ឋមន្រ្ដីក្រសួងអភិវឌ្ឍន៍ជនបទ បានចុះត្រួតពិនិត្យ​ វាយតម្លៃ​ បញ្ចប់សុពលភាពលើ​ការងារ​ស្ថាបនាផ្លូវ​​ចំនួន​ ០២ គម្រោង​ ដែលអនុវត្តដោយនាយកដ្ឋានវិស្វកម្ម​ក្រសួងការពារជាតិ​រួមមាន៖
១/.​ ការងារស្ថាបនាផ្លូវក្រាលកៅស៊ូពីរជាន់​ ប្រភេទ (DBST) ០១​ ខ្សែ​ ប្រវែង​ ៣​ ៥០០​ ម៉ែត្រ ទទឹងខ្នងលើ​ ៦ ម៉ែត្រ ។
ស្ថាបនាលូមូលមុខពីរចំនួន​ ០២​ កន្លែង​ និងផ្លាកឈ្មោះផ្លូវចំនួន​ ០២​ កន្លែង​ ស្ថិតក្នុងស្រុកសូទ្រនិគម​ ខេត្តសៀមរាប។

២/.​ ការងារស្ថាបនាផ្លូវក្រាលកៅស៊ូពីរជាន់​ ប្រភេទ (DBST) ០១​ ខ្សែ​ ប្រវែង​ ១​ ៨៥០​ ម៉ែត្រ ទទឹង​ខ្នងលើ ៦ ម៉ែត្រ និងសាងសង់លូប្រអប់មុខពីរ​ចំនួន ០២​ កន្លែង​ លូមូលមុខពីរ​ ០១​ កន្លែង​ និងស្លាកឈ្មោះផ្លូវ​ ០២​ កន្លែង​ ស្ថិតក្នុងស្រុកសូទ្រនិគម​ ខេត្តសៀមរាប។​
បន្ទាប់ពីបានធ្វើការត្រួតពិនិត្យ រួចមក គណៈកម្មការអន្ដរក្រសួង បានសម្រេចទទួលយកដោយបញ្ចប់រយៈពេលធានាសុពលភាព ៕