នៅថ្ងៃព្រហស្បតិ៍ ១៥រោច ខែពិសាខ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃ២១ ខែឧសភា ឆ្នាំ២០២០ ក្រុមការងារមន្ទីរធនធានទឹក និងឧតុនិយមខេត្តកំពត ចុះធ្វើការជួសជុល និងថែទាំប្រចាំ ប្រព័ន្ធអាងទឹកទំនប់បឹងនិមល ស្ថិតក្នុងឃុំបឹងនិមល ស្រុកឈូក ខេត្តកំពត ។ ប្រព័ន្ធអាងទឹកនេះមានទំនប់ប្រវែង ៤២៣២ម៉ែត្រ , ប្រឡាយមេ ចំនួន ០៥ខ្សែ ប្រវែង ៤៩១៦ម៉ែត្រ, ប្រឡាយរង ១៣ខ្សែ ប្រវែង ៥៤១២ម៉ែត្រ, ប្រឡាយដោះទឹក ០១ខ្សែ ប្រវែង ១១២០ម៉ែត្រ និងផ្លូវលំចូលទៅទំនប់ប្រវែង ១២៣ម៉ែត្រ ។ មានលទ្ធភាពស្រោចស្រពផ្ទៃដីវស្សាចំនួន ៧៥០ហិកតា ប្រាំងចំនួន ២០០ហិកតា និងដំណាំរួមផ្សំចំនួន ១៥ហិកតា ៕
