ការចុះការពិនិត្យ​ ជួសជុល​ និងកែលម្អឡេីងវិញអគារមជ្ឈមណ្ឌល​ជាតិយុវជន​កម្ពុជា


សៀមរាប​៖​ មជ្ឈមណ្ឌលជាតិ​យុវជនកម្ពុជា​ ដែលស្ថិតក្នុងខេត្តសៀមរាប​ ត្រូវបាន​ជួសជុល​ និងកែលម្អឡេីងវិញ​ ដេីម្បីបម្រេីដល់ការបណ្តុះបណ្តាលគ្រូឧទ្ទេស​ ស្តីពីបច្ចេកទេសក្នុងការបង្រៀនសិស្សតាមអនឡាញ​ ស្របពេលដែលក្រសួងអប់រំ​ បាន​ និងកំពុងពង្រឹងកម្មវិធីអប់រំពីចម្ងាយ​ និងតាមប្រព័ន្ធអេឡិចត្រូនិក។

ការចុះពិនិត្យ​នេះ​ ត្រូវបានធ្វេីឡេីង​ ក្រោមការដឹកនាំដោយ​ ឯកឧត្តមបណ្ឌិតសភាចារ្យ​ ហង់ជួន​ ណារ៉ុន​ រដ្ឋមន្រ្តីក្រសួងអប់រំ​ យុវជន​ និង​កីឡា​ ក្នុងឱកាសនៃការបំពេញបេសកកម្មចុះពិនិត្យ​ ការរៀន​ និងការបង្រៀនពីចម្ងាយ​ និងបេីកវគ្គបណ្តុះបណ្តាលគ្រូឧទ្ទេស​ នៅខេត្តសៀមរាប​ និងបាត់ដំបង។

ក្នុងឱកាសនោះ​ ឯកឧត្តម​ បានផ្តល់អនុសាសន៍ណែនាំឱ្យ​អគ្គនាយកដ្ឋាន​យុវជន​ សហការជាមួយនាយកដ្ឋានបច្ចេកវិទ្យាព័ត៌មាន ដេីម្បីរៀបចំវគ្គបណ្តុះបណ្តាលតាមមធ្យោបាយពីរប្រភេទ​ គឺវគ្គបណ្តុះបណ្តាលតាមអនឡាញ​ និងពីចម្ងាយ។

សូមជម្រាបថា​សំណង់ដែលត្រូវជួសជុលកែលម្អឡេីងវិញរួមមាន​ អគារធំ​ បន្ទប់របាំ​ អាងទឹក​បុរាណ​ កន្លែងទស្សនារបាំ​ សាលសម្តែងរបាំ​ ព្រមទាំងមានការចាក់បេតុងព័ទ្ធជុំវិញអគារផងដែរ៕