ការ​ចុះ​ពិនិត្យ​ការ​រៀន បង្រៀន​ពី​ចម្ងាយ និង​ការ​បើក​វគ្គ​បណ្ដុះបណ្ដាល​គ្រូ​បង្គោល​សម្រាប់​បង្រៀន​តាម​​ប្រព័ន្ធ​អេឡិចត្រូនិក នៅ​គ្រឹះស្ថាន​បណ្ដុះបណ្ដាល​គ្រូ


កំពង់​ចាម៖ ឯកឧត្ដម​បណ្ឌិត​សភាចារ្យ ហង់​ជួន ណារ៉ុន រដ្ឋមន្ត្រី​ក្រសួង​អប់រំ យុវជន និង​កីឡា និង​ឯកឧត្តម អ៊ុន ចាន់ដា​ អភិបាល​នៃ​គណៈ​អភិបាល​ខេត្ត​កំពង់​ចាម បាន​អញ្ជើញ​​​ជា​អធិបតីភាព​ក្នុង​ពិធី​​បើក​វគ្គ​បណ្ដុះបណ្ដាល​គ្រូ​បង្គោល​​សម្រាប់​បង្រៀន​តាម​​ប្រព័ន្ធ​អេឡិចត្រូនិក នៅ​គ្រឹះស្ថាន​បណ្ដុះបណ្ដាល​គ្រូ ដែល​ត្រូវ​បាន​រៀប​ចំ​ឡើង​ដើម្បី​ពង្រឹង​សមត្ថភាព​គ្រូបង្រៀន​លើ​បច្ចេកទេស​ក្នុង​ការ​បង្រៀន​តាម​បែប​ថ្មី ដើម្បី​លើក​កម្ពស់​ការ​អប់រំ​បែប​ឌិជីថល​។ ​

ជា​មួយ​គ្នា​នោះ​ដែរ ​ឯកឧត្ដម​​រដ្ឋមន្ត្រី អម​ដំណើរ​ដោយ​ឯកឧត្ដម​អភិបាល​នៃ​គណៈ​អភិបាល​​ខេត្ត និង​ថ្នាក់​ដឹកនាំ​ក្រសួង​អប់រំ បាន​អញ្ជើញ​ចុះ​ពិនិត្យ​ការ​រៀន និង​បង្រៀន​ពី​ចម្ងាយ ព្រមទាំង​បាន​សំណេះ​សំណាល​ជាមួយ​គណៈ​គ្រប់គ្រង​មជ្ឈមណ្ឌល​គរុកោសល្យ​ភូមិភាគ និង​សាលា​គរុកោសល្យ និង​​វិក្រឹតកាល​ខេត្ត​កំពង់​ចាម៕

១៥ ​មិថុនា ២០២០ | ខេត្ត​កំពង់​ចាម