ផ្លូវភូមិស្ទឹងថ្មី​(អាទីសង់)ពីផ្លូវស៊ីវត្ថាដល់មុខសាលាបឋមសិក្សាស្ទឹងថ្មី​ បានរៀបចំបណ្តាញលូរួចរាល់ និងចាប់ផ្តើមអ៊ុតកៅស៊ូបេទីម(AC)


គិតត្រឹម​ថ្ងៃ​ទី២១​ ខែមិថុនា​ ឆ្នាំ​២០២០​ រដ្ឋបាលខេត្ត បាននឹងកំពុងដំណើរការសាង់សង់ផ្លូវចាក់បេទីម ផ្លូវភូមិស្ទឹងថ្មី​ ពីផ្លូវ​ស៊ីវត្ថា​ កាត់មុខអាទីសង់​ Artisand ‘Angkor ដល់មុខសាលាបឋមសិក្សាស្ទឹងថ្មី បានចាប់ផ្តើមអ៊ុតកៅស៊ូបេទីម(AC) ទទឹង​៧ម៉ែត្រ ប្រវែង​ ២៣៥ម៉ែត្រ​ ស្ថិត​នៅ​ភូមិ​ស្ទឹងថ្មី​ សង្កាត់ស្វាយដង្គំ ក្រុងសៀមរាប ខេត្តសៀមរាប។ ផ្លូវនេះ ត្រូវបានរៀបចំបណ្តាញលូជ្រុងសងខាងសម្រាប់បង្ហូរទឹកភ្លៀង បានយ៉ាងល្អផងដែរ។

​កន្លងមកផ្លូវនេះមានការខូចខាត​ច្រេីន បងប្អូនក៏បានលេីកសំណូមពរជាញឹកញាប់ ដើម្បីស្តារឡើងវិញ។ តាមរយៈនេះ រដ្ឋបាលខេត្ត បានលើកគម្រោងសាងសង់ផ្លូវនេះ ក្នុងការបម្រើប្រយោជន៍ដល់បងប្អូនរស់នៅក្នុងតំបន់នេះ ជាពិសេសជាការទាក់ទាញភ្ញៀវទេសចរណ៍​ ព្រោះថាតំបន់នេះជាតំបន់ដែលសម្បូរទៅដោយសេវាកម្មទេសចរណ៍​សណ្ឋាគារ​ ផ្ទះសំណាក់​ ភោជនីយដ្ឋាន​ជាច្រើន។

សូមបញ្ជាក់ថា ផ្លូវនេះ ឯកឧត្តម ទៀ សីហា អភិបាលនៃគណៈអភិបាលខេត្ត បានដឹកនាំមន្ត្រីជំនាញ និងអាជ្ញាធរមូលដ្ឋានចុះពិនិត្យផ្ទាល់កាលពីដើមឆ្នាំ២០១៩ កន្លងមក ហើយក៏បានសម្រេចដាក់ជាគម្រោងអាទិភាព ត្រូវធ្វើការជួសជុលបន្ទាន់។

ជាមួយនឹងសមិទ្ធផលផ្លូវនេះ រដ្ឋបាលខេត្តសូមសំដែងនូវការអរគុណនូវស្មារតីរបស់បងប្អូនរស់តាមដងផ្លូវនេះ បានចូលរួមអនុវត្តតាមការជូនដំណឹងរបស់អាជ្ញាធរក្នុងការពង្រីកផ្លូវ រហូតដល់បងប្អូនខ្លះបានរុះរើនូវសំណង់អគារមួយចំនួនធំផងដែរ៕