រដ្ឋបាលខេត្តសៀមរាប​ ចាប់ដំណើរការសាងសង់ផ្លូវបេតុងប្រវែង ៧៣០ម៉ែត្រ និងដាក់លូអមសងខាងផ្លូវនៅភូមិតាវៀន​ និងភូមិជន្លង់ សង្កាត់សាលាកំរើក


គិតត្រឹមថ្ងៃទី០៦ ខែកក្កដា ឆ្នាំ២០២០នេះ ផ្លូវ​ភូមិតាវៀន​ និងភូមិជន្លង់ ចាប់ពីផ្លូវ​ ៧មករា​ (ចំណុចតារាងបាល់ភូមិជន្លង់​) ដល់ផ្លូវក្រោយផ្សារលេី​ ប្រវែង ៧៣០ម៉ែត្រ​ ទទឹង​៧ម៉ែត្រ​ និងដាក់លូរំដោះទឹកអមសងខាងផ្លូវ​ មុខកាត់​ 0.៨ម៉ែត្រ​ កំពុងដំណើរការសាងសង់ចាក់គ្រឹះសម្រាប់សាងសង់ផ្លូវបេតុង។
សូមបញ្ជាក់ថា​ ផ្លូវនេះជាផ្លូវមួយខ្សែក្នុងចំណោមគម្រោងក្នុងឆ្នាំ២០១៩ របស់រដ្ឋបាលខេត្ត ដែលផ្លូវនេះមានប្រវែង​ ៧៩០ម៉ែត្រ​ ទទឹង​ ៧ម៉ែត្រ​ និងដាក់លូ​រំដោះ​ទឹកអមសងខាងផ្លូវ​ ចាប់ពីផ្លូវ​ ៧មករា​ (ចំណុចតារាងបាល់ជន្លង់) ដល់ផ្លូវក្រោយផ្សារលេី​ ស្ថិត​នៅ​ភូមិតាវៀន​ និងភូមិជន្លង់ សង្កាត់សាលាកំរេីក ក្រុងសៀមរាប​ ដេីម្បីរៀបចំបណ្ដាញហេដ្ឋារចនាសម្ព័ន្ធ ក្នុងក្រុងសៀមរាប។
ដូចនេះសូមបងប្អូនសាធារណជនដែលរស់នៅតាមដងផ្លូវនេះ​ សូមយោគយល់អធ្យាស្រ័យ​ និងចូលរួមសហការទាំងអស់គ្នា៕