ក្រុមការងារជិកស្តារស្រះទឹករបស់ក្រុមសមាជិកព្រឹទ្ធសភាប្រចាំភូមិភាគទី៥ ចាប់ផ្តើម ការងារជិកស្តារស្រះទឹកលើទឹកដីខេត្តតាកែវ


ថ្ងៃ​ចន្ទ​ទី​១៧​ ខែមេសា​ ឆ្នាំ​២០១៧​ ក្រុមការងារ​ជិកស្តារ​ស្រះទឹក​របស់​ក្រុម​សមាជិក​ព្រឹទ្ធសភា​ប្រចាំ​ភូមិ​ភាគ​ទី​៥​ បានចាប់ផ្តើម ការងារ​ជិក​ស្តារ​ស្រះទឹកទី៥លើទឹកដី​ខេត្ត​តាកែវ​ ​ដែល​មានទីតាំង​ស្ថិតនៅភូមិជ្រៃត្នោត ឃុំត្រាំកក់​ ស្រុកត្រាំកក់​​ ដែលមានបណ្តោយ៤០ម៉ែត្រ​ ទទឹង​៤០ម៉ែត្រ​ ជម្រៅ​៣ម៉ែត្រ​ ស្មើនឹង​៤.៨០០ម៉ែត្រ​គូប​ ។
ស្រះទឹក​នេះនឹងអាចជួយដោះ​ស្រាយ​បញ្ហា​ខ្វះខាតទឹកសម្រាប់ប្រើប្រាស់ របស់ប្រជាជន​ចំនួន​៣ភូមិ​ គឺ ភូមិជ្រៃត្នោត​ ភូមិ​អង្គតាសោម​ និង​​ ភូមិ​តាតៃ​ ដែល​មានប្រជាជន​រស់នៅចំនួន​៨១៤គ្រួសារ ស្មើនឹង​៣.៣៤១នាក់​ ។
សូមបញ្ជាក់ថាគ្រប់ស្រះ​ទឹកទាំង​អស់​ដែល​ក្រុមការងារ​របស់​យើង​ បានជិក​ស្តារ​រួចរាល់​ហើយសុតតែ​មានក្រុមជាង​ចុះទៅ​ សាងសង់​ជណ្ដើរ​បេតុងសម្រាប់សម្រួល​ឱ្យ​ប្រជាពលរដ្ឋ​យើងងាយស្រួល​ចុះទៅ​ដងទឹក​ នឹង​ មានសាងសង់ស្លាកដែលជាអំណោយរស់​ក្រុម​សមាជិក​ព្រឹទ្ធសភា​ភូមិ​ភាគ​ទី​៥ផងដែរ​ ។