នាព្រឹកថ្ងៃទី២២ ខែមេសា ឆ្នាំ២០២១ ក្រុមក្រឡាហោមមនុស្សធម៌បាត់ដំបង ដែលដឹកនាំដោយ ឯកឧត្តម ច័ន្ទ សុផល តំណាងរាស្ត្រមណ្ឌលខេត្តបាត់ដំបង និងជាអនុប្រធានគណៈកម្មការមហាផ្ទៃ ការពារជាតិ និងមុខងារសាធារណៈនៃរដ្ឋសភា ឯកឧត្តម ខាន់ ម៉ាណេរ រដ្ឋលេខាធិការក្រសួងសាធារណការ និងដឹកជញ្ជូន ឯកឧត្តម អ៊ុយ រី ប្រធានក្រុមប្រឹក្សាខេត្តបាត់ដំបង និង រដ្ឋបាលស្រុក ព្រមទាំងកងកំលាំងស្រុករតនមណ្ឌល បាននាំយកម៉ាស់ ១២៥០០ម៉ាស់ អាល់កុល ១២៥០ដបតូច ដែលជាអំណោយដ៏ថ្លៃថ្លារបស់ សម្តេចក្រឡាហោម ស ខេង និងលោកជំទាវ ទៅចែកជូនបងប្អូនប្រជាពលរដ្ឋ ដែលមកផ្សារ និងអាជីវករលក់ដូរនៅផ្សារបួនកន្លែងរួមមានៈ ផ្សារស្តៅ ផ្សារត្រែង ផ្សាររស្មីសង្ហា និងផ្សារកសិករញញឹម ស្ថិតក្នុងស្រុករតនមណ្ឌល ខេត្តបាត់ដំបង ៕