ឯកឧត្តម​ ចាន់ ស៊ីណាត​ រដ្ឋលេខាធិការ​ ដឹកនាំក្រុមការងារបច្ចេកទេស​​ក្រសួង​ចុះពិនិត្យជាក់ស្តែង​វឌ្ឍនភាព​គម្រោងរំ​ដោះទឹក និង​ពង្វាងទឹកចេញពីរាជធានីភ្នំពេញ


ខេត្តកំពង់ស្ពឺ​៖​ ថ្ងៃអាទិត្យ ៨កើត ខែមិគសិរ ឆ្នាំរោង​ ឆស័ក ពុទ្ធសករាជ ២៥៦៨​ ត្រូវនឹងថ្ងៃទី៨ ខែធ្នូ ឆ្នាំ២០២៤ ឯកឧត្តម ចាន់ ស៊ីណាត រដ្ឋ​លេខាធិការ តំណាងដ៏ខ្ពង់ខ្ពស់​របស់ឯកឧត្តម​ ថោ ជេដ្ឋា​ រដ្ឋមន្ត្រី​ក្រសួងធនធានទឹក និងឧតុនិយម បានអញ្ជើញដឹកនាំក្រុមការងារបច្ចេកទេស​ក្រសួងចុះពិនិត្យផ្ទាល់លើកិច្ចប្រតិបត្តិការដ៏សកម្មក្នុងគម្រោងរំដោះទឹក​ និងពង្វាងទឹកចេញពីរាជធានីភ្នំពេញ ខេត្តកណ្តាល ខេត្តកំពង់ស្ពឺ និងខេត្តតាកែវ។

ក្នុងឱកាសនោះ​ ឯកឧត្តម​រដ្ឋលេខាធិការ​ ​និង​ក្រុមការងារបាន​ចុះ​ពិនិត្យវឌ្ឍនភាព​ការងារជាក់ស្តែង​​នៅ​តំបន់ស្ទឹងតូច តំបន់ផ្លូវជាតិលេខ៣ តំបន់ផ្លូវក្រវាត់ក្រុង តំបន់ទួលពង្រ តំបន់ប្រទះឡាង តំបន់ពងទឹក តំបន់ជើងឯក តំបន់សាក់សំពៅ តំបន់អន្លង់គង និងតំបន់ព្រែក​កំពឹស។

សូមបញ្ជាក់ថា​ ​គម្រោងប្រព័ន្ធរំ​ដោះទឹក និងពង្វាងទឹកចេញពីរាជធានីភ្នំពេញ និងតំបន់ពាក់ព័ន្ធ​មាន​ការ​ងារ​សំខាន់ៗដូចជា​៖ ស្តារស្ទឹង និងប្រឡាយចំនួន ១០ខ្សែ ប្រវែងប្រមាណ ២៦០គីឡូម៉ែត្រ ព្រមទាំងសំណង់សិល្បការ្យសរុបចំនួន ៣៦៦កន្លែង ក្នុងនោះមានការ​សាងសង់ស្ថានីយបូមទឹកចំនួន ៤កន្លែង និងសំណង់ស្ទាក់ទឹក​ (ទ្វារទឹក)​ ចំនួន ១កន្លែង៕