រាជធានីភ្នំពេញ ៖ នាព្រឹកថ្ងៃទី០៤ ខែតុលា ឆ្នាំ២០១៧ នៅសាលាមធ្យមសិក្សាគរុកោសល្យមត្តេយ្យមជ្ឈឹម មានប្រារព្ធពិធីបើកកម្មវិធីសិក្ខាសាលាចែករំលែកបទពិសោធស្ដីពីការគ្រប់គ្រងនៅតាមសាលារៀនផ្អែកលើលទ្ធផល ក្រោមអធិបតីភាព ឯកឧត្ដមបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួង អប់រំ យុវជន និងកីឡា និងឯកឧត្ដម លោកជំទាវ រដ្ឋលេខាធិការ អនុរដ្ឋលេខាធិការ អគ្គនាយក អគ្គាធិការ លោក លោកស្រីបុគ្គលិកអប់រំ រួមជាមួយតំណាងដៃគូអភិវឌ្ឍវិស័យអប់រំ សរុបចំនួន១៣៥ រូប។
គោលបំណងសិក្ខាសាលានេះ ដើម្បីចែករំលែកបទពិសោធរបស់អ្នកពាក់ព័ន្ធ និងការយល់ដឹងអំពីទស្សនាទាននៃការគ្រប់គ្រងនៅតាមសាលារៀនផ្អែកលើលទ្ធផល ដើម្បីឱ្យសមាជិក សមាជិកានៃអង្គសិក្ខាសាលា យកទៅអនុវត្តបន្តក្នុងន័យលើកកម្ពស់វិស័យអប់រំនៅកម្ពុជា។
