ព្រឹកថ្ងៃទី ០៦ ខែតុលា ឆ្នាំ ២០១៧ ឯកឧត្តម ស៊ិន វុទ្ធី អគ្គនាយកកិច្ចការរដ្ឋបាល ក្រសួងធនធានទឹក និងឧតុនិយម បានដឹកនាំមន្ត្រីបច្ចេកទេសរបស់ក្រសួង និងមន្ទីរធនធានទឹក និងឧតុនិយមខេត្តតាកែវ ចុះពិនិត្យស្ថានភាពទឹកនៅប្រព័ន្ធធារាសាស្ត្រទំនប់អាងទឹក ខ្ពបត្របែក ស្ថិតក្នុងស្រុកត្រាំកក់ ខេត្តតាកែវ ។
គួររំលឹកផងដែរ បរិមាណទឹកភ្លៀងដែលបានធ្លាក់ក្នុងកំរិត ១៤៧ មីល្លីម៉ែត្រ នាល្ងាចថ្ងៃទី ០៥ ខែតុលា ឆ្នាំ ២០១៧ នេះ បានធ្វើឲ្យទឹកក្នុងអាងទឹកខ្ពបត្របែក មានការកើនឡើងខ្លាំង ។ ក្រុមការងារបច្ចេកទេសរបស់មន្ទីរធនធានទឹក និងឧតុនិយមខេត្ត បានសម្រេចបើកទ្វារទឹក ដើម្បីរំដោះទឹកមួយចំនួនចេញពីក្នុងអាង បញ្ចៀសការខូចខាតហេដ្ឋារចនាសម្ព័នអាង ។
