រាជធានីភ្នំពេញ ៖ នាព្រឹកថ្ងៃទី២១ ខែតុលា ឆ្នាំ២០១៧ នៅសាលសហសិក្សាសម្តេចអគ្គសេនាបតីតេជោ ហ៊ុន សែន នៃវិទ្យាស្ថានបច្ចេកវិទ្យាកម្ពុជា បានប្រារព្ធកម្មវិធីបើកសន្និបាតបច្ចេកវិទ្យា និងការចាប់ផ្ដើមជំនួញ បារខែមអាស៊ាន ២០១៧ ក្រោមអធិបតីភាព លោកជំទាវ គឹម សេដ្ឋានី រដ្ឋលេខាធិការក្រសួងអប់រំ យុវជន និងកីឡា និងមានការចូលរួមដោយគណៈអធិបតីប្រធានរៀបចំកម្មវិធី ប្រធានក្រុមហ៊ុនដៃគូសហការគាំទ្រកម្មវិធី ដៃគូពាក់ព័ន្ធ និងអ្នកចូលរួមយ៉ាងច្រើន។
កម្មវិធីមានគោលបំណងចែករំលែកចំណេះដឹង និងកសាងទំនាក់ទំនង រវាងអ្នកចូលរួមទាំងអស់ក្នុងប្រទេសកម្ពុជា ក៏ដូចជាក្នុងតំបន់ អំពីការចាប់ផ្ដើមជំនួញ ការប្រើប្រាស់បច្ចេកវិទ្យា សម្រាប់ការសិក្សា ការងារ និងទំនាក់ទំនង ព្រមទាំងចំណេះដឹងផ្សេងៗ។ ក្នុងកម្មវិធីនេះមានការធ្វើបទបង្ហាញនានា ដោយវាគ្មិនផ្សេងៗតាមបន្ទប់ (សរុប ១០បន្ទប់) និងពិព័រណ៍របស់ Startups និងផលិតផល ឬសេវាបច្ចេកវិទ្យាថ្មីៗដែលមានការចូលរួមប្រមាណ ៥០ស្តង់៕
