(ខេត្តកំពង់ចាម)៖ ថ្ងៃសៅរ៍ ១៥រោច ខែពិសាខ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៦ ខែឧសភា ឆ្នាំ២០២៦ ឯកឧត្តម ហេង ណន សមាជិកគណ:កម្មាធិការកណ្តាល គណបក្សប្រជាជនកម្ពុជា ជាសមាជិកគណៈអចិន្ត្រៃយ៍ នៃយុវជនគណបក្សថ្នាក់កណ្តាល និងជាប្រធានផ្នែកគ្រឹះស្ថានសិក្សា នៃយុវជនគណបក្សថ្នាក់កណ្តាល បានដឹកនាំក្រុមជាងកាត់សក់ ចំនួន ១០០នាក់ នៃសមាគមមិត្តយេីងផ្តល់សេវាកាត់សក់ដោយឥតគិតថ្លៃជូនលោកគ្រូ អ្នកគ្រូ សិក្សានុសិស្ស និងប្រជាពលរដ្ឋប្រមាណ ៥០០នាក់ នៅវិទ្យាល័យ ហ៊ុន សែន ព្រៃទទឹង ស្រុកព្រៃឈរ ខេត្តកំពង់ចាម។
បន្ទាប់ពីកម្មវិធីនេះ ឯកឧត្តម ហេង ណន ក៏បានឆ្លៀតនាំយកនូវអង្ករ ជាអំណោយរបស់សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ផ្តល់ជូនដល់យុវជនគណបក្សស្រុកព្រៃឈរ ចំនួន ១តោន (៥០បាវ) សម្រាប់ធ្វេីសកម្មភាពចិញ្ចឹមចលនានៅមូលដ្ឋានផងដែរ។
