កិច្ចប្រជុំរដ្ឋមន្ត្រីអាស៊ី-អឺរ៉ុប លើកទី៦


សាធារណរដ្ឋ​កូរ៉េ ៖ នា​ព្រឹក​ថ្ងៃ​ទី​២១ ខែ​វិច្ឆិកា ឆ្នាំ​២០១៧​នេះ ឯកឧត្ដម​បណ្ឌិត​សភាចារ្យ ហង់ជួន ណារ៉ុន ​រដ្ឋមន្ត្រី​ក្រសួង​អប់រំ យុវជន ​និង​កីឡា បាន​ដឹក​នាំ​គណៈ​ប្រតិភូ​ចូលរួម​កិច្ច​ប្រជុំ​រដ្ឋមន្ត្រី​អប់រំ យុវជន និង​កីឡា ដែល​ប្រព្រឹត្តិ​ទៅ​ចាប់​ពី​ថ្ងៃ​ទី​២១​ ដល់​ថ្ងៃ​ទី​២២ ខែ​វិច្ឆិកា ឆ្នាំ​២០១៧ នៅ​ទីក្រុង​សេអ៊ូល ​សាធារណរដ្ឋ​កូរ៉េ ។
​កិច្ច​ប្រជុំ​នេះ មាន​គោល​បំណង​បង្កើន​ទស្សនវិស័យ​សម្រាប់​លើក​កម្ពស់​កិច្ច​សហប្រតិបត្តិការ​រវាង​អាស៊ី និង​អឺរ៉ុប​ក្នុង​វិស័យ​អប់រំ និង​បណ្ដុះបណ្ដាល​ដោយ​ផ្ដោត​លើ​ប្រធានបទ “កិច្ច​សហប្រតិបត្តិការ​សម្រាប់​ទសវត្ស​ខាង​មុខ ប្រែក្លាយ​ទស្សនៈ​រួម​ឲ្យ​ក្លាយ​ទៅ​ជា​ប្រតិបត្តិ​ប្រកប​ដោយ​ប្រសិទ្ធភាព”៕