កិច្ចប្រជុំផ្សព្វផ្សាយអំពីសេចក្តីសម្រេចរបស់ក្រុមប្រឹក្សាធម្មនុញ្ញនិងបច្ចុប្បន្នភាពបញ្ហាគតិយុត្ត


ព្រឹកថ្ងៃសុក្រ១២កើត ខែបុស្សឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី២៩ ខែធ្នូ ឆ្នាំ២០១៧ នៅសាលាខេត្តបាត់ដំបងមានកិច្ចប្រជុំផ្សព្វផ្សាយអំពីសេចក្តីសម្រេចរបស់ក្រុមប្រឹក្សាធម្មនុញ្ញ និងបច្ចុប្បន្នភាពបញ្ហាគតិយុត្ត ក្រោមអធិបតីភាព ឯកឧត្តម អ៊ុត ឈន សមាជិកក្រុមប្រឹក្សាធម្មនុញ្ញ ឯកឧត្តម អ៊ុយ រី ប្រធានក្រុមប្រឹក្សាខេត្ត ឯកឧត្តម ងួន រតនៈ អភិបាលនៃគណៈអភិបាលខេត្តបាត់ដំបង ។ ពិធីប្រជុំផ្សព្វផ្សាយនេះក៏មានការអញ្ជើញចូលរួមពី ឯកឧត្តម លោកជំទាវ សមាជិកក្រុមប្រឹក្សាខេត្ត អភិបាលរងខេត្ត ប្រធានមន្ទីរនានាជុំវិញខេត្ត កងកម្លាំង អភិបាលក្រុង-ស្រុក ក្រុមប្រឹក្សាឃុំ-សង្កាត់ និងមន្រ្តីរាជការពាក់ព័ន្ធជាច្រើនរូបទៀត។

ក្នុងកិច្ចប្រជុំផ្សព្វផ្សាយនេះដែរ ឯកឧត្តម អ៊ុត ឈន បានធ្វើបទបង្ហាញ ដល់អង្គប្រជុំក្នុងបំណងដើម្បីថ្នាក់ដឹកនាំមន្រ្តីរាជការថ្នាក់ក្រោមជាតិគ្រប់លំដាប់ថ្នាក់ទាំងអស់បានសិក្សាស្វែងយល់ពីសមត្ថកិច្ចរបស់ក្រុមប្រឹក្សាធម្មនុញដែលជាស្ថាប័នកំពូលរបស់ជាតិ។