ថ្ងៃព្រហស្បតិ៍ ១០រោច ខែបុស្ស ឆ្នាំរកា ព.ស ២៥៦១ ត្រូវនឹងថ្ងៃទី១១ ខែមករា ឆ្នាំ២០១៨
កាលពីព្រឹកមិញនៅវិមានសន្តិភាព សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានអញ្ជើញទទួលបដិសណ្ឋារកិច្ចយ៉ាងកក់ក្តៅបំផុតជូនដល់ ឯកឧត្តម លី គឺឈាំង (Li Keqiang) នាយករដ្ឋមន្ត្រីនៃសាធារណរដ្ឋប្រជាមានិតចិន។
បន្ទាប់ពីបានអញ្ជើញត្រួតពលរួចហើយ លោកនាយករដ្ឋមន្រ្តីចិន និងគណប្រតិភូបានអញ្ជើញចូលរួមប្រជុំចង្អៀត និងប្រជុំទ្វេភាគីបន្តជាមួយ សម្តេច តេជោ ហ៊ុន សែន។ ក្រោយពីប្រជុំទ្វេភាគីរួចហើយ ប្រមុខដឹកនាំនៃប្រទេសទាំងពីរនឹងអញ្ជើញជាសហអធិបតីនៅក្នុងពិធីចុះហត្ថលេខាលើឯកសារសំខាន់ៗមួយចំនួនទៀតផង៕
