មន្ទីរធនធានទឹក និងឧតុនិយមខេត្តតាកែវ អន្តរាគមន៍កាយប្រឡាយនាំទឹកទៅសង្គ្រោះដំណាំស្រូវប្រាំងជួបការខ្វះខាតទឹកប្រមាណ ៣០០ ហិកតា នៅក្នុងស្រុកកោះអណ្តែត និងស្រុកបូរីជលសារ ។
សូមជម្រាបផងដែរថា ដំណាំស្រូវប្រាំងខាងលើ ត្រូវបានប្រជាកសិករដាំដុះនៅលើផ្ទៃដីស្រែវស្សា ហើយជាលើកទី ២ ទៀត ទើបបណ្តាលឱ្យមានការខ្វះខាតទឹកបែបនេះ ។ ដើម្បីដោះស្រាយបញ្ហាចំពោះមុខ មន្ទីរធនធានទឹក និងឧតុនិយមខេត្តតាកែវ បាននាំយកគ្រឿងចក្រអេស្កាវ៉ាទ័រ ចំនួន ០១ គ្រឿង ចុះកាយប្រឡាយ ០១ ខ្សែ ប្រវែង ២.០០០ ម ដើម្បីនាំទឹកពីស្ទឺងតាកែវ (ត្រង់ចំណុចកំពង់អំពិល ស្រុកបូរីជលសារ) ទៅសង្គ្រោះដំណាំស្រូវដែលកំពុងជួបការខ្វះខាតទឹកទាំងនោះ ។
