សមាគមគ្រូពេទ្យស្ម័គ្រចិត្តយុវជនសម្តេចតេជោ ចុះពិនិត្យព្យាបាលជំងឺជូនប្រជាពលរដ្ឋជាង៥ពាន់នាក់ដោយឥតគិតថ្លៃក្នុងខេត្តកំពង់ឆ្នាំង

បេសកកម្មនេះមានការចូលរួមដោយក្រុមគ្រូពេទ្យជាសមាជិកនៃសមាគម ដែលមកពីតាមមន្ទីពេទ្យរដ្ឋ និងឯកជននានា ជាងនេះទៀតមានការចូលរួមដោយគ្រូពេទ្យមកពីប្រទេស តៃវ៉ាន់ សាំងហ្គាពួរ ម៉ាឡេស៊ី វៀតណាម និងគ្រូពេទ្យមកពីរដ្ឋឡូសអេនជឺឡេសនៃសហរដ្ឋអាមេរិកផងដែរ ។ ដោយធ្វើការពិនិត្យលើប្រភេទជំងឺផ្សេងៗជាច្រើនដូចជា ជំងឺទូទៅ ជំងឺបេះដូង ជំងឺត្រចៀកច្រមុះបំពង់ករ ជំងឺភ្នេក ជំងឺសន្លាក់ ជំងឺមាត់ធ្មេញ ផ្នែកអេកូ និងរោគស្រ្តី ជំងឺឫសដូងបាត ផ្នែកវះកាត់តូច ជំងឺសើរស្បែក និងពិនិត្យឈាម។

សូមបញ្ជាក់ថាគិតមកដល់ពេលនេះសមាគមបានធ្វើសកម្មភាពមនុស្សធម៌ រយះពេល៥ឆ្នាំកម្លងមកហើយ​ និងព្យាបាលជំងឺដោយឥតគិតថ្លៃជូនប្រជាពលរដ្ឋ សរុបចំនួន ២៥០,៧៥០នាក់ និងបញ្ជូនបន្តមកព្យាបាល នៅតាមមន្ទីពេទ្យ និងអង្គការជាដៃគូរ ក្នុងរាជធានីភ្នំពេញ ចំនួន៣,១៦០នាក់ ដែលការចំណាយផ្សេងៗជាបន្ទុករបស់សមាគមទាំងស្រុង។