(ព្រះវិហារ)៖ លោកឧបនាយករដ្ឋមន្ត្រី ប៊ិន ឈិន ជារដ្ឋមន្ត្រីស្តីទី ទីស្តីការគណៈរដ្ឋមន្ត្រី តំណាងសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅថ្ងៃទី២០ ខែមីនា ឆ្នាំ២០១៨នេះ បានអញ្ជើញជាអធិបតី ក្នុងពិធីសម្ពោធដាក់ឲ្យប្រើប្រាស់ជាផ្លូវការសារមន្ទីរធម្មជាតិ សកលសម្តេចតេជោ ហ៊ុន សែន ព្រះវិហារ ស្ថិតក្នុងភូមិធម្មជាតិសម្តេចតេជោ ឃុំស្រអែម ស្រុកជាំក្សាន្ត ខេត្តព្រះវិហារ។
នៅក្នុងពិធីនោះមានការអញ្ជើញចូលរួមពីសំណាក់រដ្ឋមន្ត្រី នៅតាមក្រសួងស្ថាប័ននានា អង្គទូតនានា មេបញ្ជាការក្នុងជួរកងយោធពលខេមរភូមិន្ទ នគរបាលជាតិ តំណាងរាស្ត្រ អាជ្ញាធរខេត្តព្រះវិហារ និងមន្ត្រីរាជការកងកម្លាំងប្រដាប់អាវុធ ក៏ដូចជាប្រជាពលរដ្ឋក្នុងខេត្តព្រះវិហារ យ៉ាងច្រើនកុះករ។