នាព្រឹកថ្ងៃពុធ ៨រោច ខែជេស្ឋ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី០៦ ខែមិថុនា ឆ្នាំ២០១៨ ឯកឧត្តម ម៉ុម ជឹមហ៊ុយ ប្រធានគណៈកម្មការទី៧ ព្រឹទ្ធសភា និងជាអនុប្រធានក្រុមសមាជិកព្រឹទ្ធសភាប្រចាំភូមិភាគទី១ រួមជាមួយអាជ្ញាធរមូលដ្ឋាន បានដឹកនាំក្រុមគ្រូពេទ្យស្ម័គ្រចិត្ត នៃអង្គការស្ម័គ្រចិត្តជុំវិញពិភពលោក ចុះពិនិត្យព្យាបាលជំងឺជូនប្រជាពលរដ្ឋរស់នៅសង្កាត់គោករកា ស្ថិតនៅវត្តឈូកវ៉ា សង្កាត់គោករកា ខណ្ឌព្រែកព្នៅ រាជធានីភ្នំពេញ។ ឯកឧត្តមប្រធាន បានថ្លែងអំណរគុណចំពោះក្រុមគ្រូពេទ្យដែលបានចុះមកពិនិត្យព្យាបាលជំងឺជូនប្រជាពលរដ្ឋនាពេលនេះ នឹងសំណូមពរប្រជាពលរដ្ឋទៅបោះឆ្នោតអោយបានគ្រប់ៗគ្នា ជ្រេីសរេីសគណបក្សដែលខ្លួនពេញចិត្ត ដេីម្បីការពារសមិទ្ធផលដែលកំពុងមានបច្ចុប្បន្ន និងធានាការអភិវឌ្ឍន៍។
