បន្ទាយមានជ័យ ៖ នៅព្រឹកច័ន្ទ៦កើតខែបឋមសាឍ ឆ្នាំច សរឹទ្ធិស័ក ព.ស២៥៦២ ត្រូវនឹងថ្ងៃទី១៨ ខែមិថុនា ឆ្នាំ២០១៨ ឯកឧត្តម នាយឧត្តមសេនីយ៍ កែ គឹមយ៉ាន សមាជិកអចិន្រ្តៃយ៍គណកម្មាធិការកណ្តាលគណបក្សប្រជាជនកម្ពុជា ឧបនាយករដ្ឋមន្ត្រី ប្រធានអាជ្ញាធរជាតិប្រយុទ្ធប្រឆាំងគ្រឿងញៀន ប្រធានកិត្តិយសសមាគមមូលនិធិមនុស្សចាស់ខេត្តបន្ទាយមានជ័យ និងជាប្រធានក្រុមការងារថ្នាក់កណ្តាលចុះជួយខេត្តបន្ទាយមានជ័យ បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីសម្ពោធឆ្លងដាក់ឲ្យប្រើប្រាស់សមិទ្ធិផលនានាក្នុងវត្តទឹកជុំបរមគង្គា បន្ទាយនាង និងសំណេះសំណាលជាមួយប្រជាពលរដ្ឋឃុំឃុំបន្ទាយនាង ស្រុកមង្គលបុរី ខេត្តបន្ទាយមានជ័យ ដែលមានអ្នកចូលរួមជិត៤០០០នាក់។
ក្នុងឱកាសនោះ ឯកឧត្តម នាយឧត្តមសេនីយ៍ កែ គឹមយ៉ាន បានមានមតិសំណេះសំណាលនិងពាំនាំការផ្ដាំផ្ញើសួរសុខទុក្ខ ពីសំណាក់ថ្នាក់ដឹកនាំកំពូលរបស់ជាតិមាន សម្ដេចតេជោ ហ៊ុន សែន នាយករដ្ឋមន្រ្តី សម្ដេចអគ្គមហាពញាចក្រីហេង សំរិន ប្រធានរដ្ឋសភា សម្តេចក្រឡាហោម ស ខេង សម្ដេចវិបុលសេនាភក្ដី សាយ ឈុំ ប្រធានព្រឹទ្ធសភា។
ក្នុងឱកាសនោះ ឯកឧត្តម នាយឧត្តមសេនីយ៍ កែ គឹមយ៉ាន ក្រោមយុទ្ធសាស្រ្តឈ្នះ ឈ្នះ ឈរលើឧត្តមប្រយោជន៍ជាតិ និងប្រជាពលរដ្ឋជាធំរបស់សម្តេចតេជោហ៊ុន សែន និងមានការចូលរួមពីបងប្អូនប្រជាពលរដ្ឋ មន្រ្តីរាជការ កងកម្លាំងប្រដាប់អាវុធ និងក្មួយៗជាយុវជនយុវនារីទាំងអស់ប្រទេសជាតិមានសុខសន្តិភាព និងការអភិវឌ្ឍលើគ្រប់វិស័យ ជាក់ស្តែងសមិទ្ធិផលនានាក្នុងវត្តទឹកជុំបរមគង្គាបន្ទាយនាងដែលយើងបានជួបជុំគ្នាសម្ពោធនៅថ្ងៃនេះ ហើយវិស័យពុទ្ធចក្រ និងអាណាចក្រទាំងពីរនេះជួយគ្នាទៅវិញទៅមកគឺផ្នែកអាណាចក្រទទួលផលប្រយោជន៍ពីពុទ្ធចក្រតាមរយៈការជួយអប់រំប្រជាពលរដ្ឋឲ្យកសាងអំពើល្អដែលជាការរួមចំណែកធ្វើឲ្យមានសណ្តាប់ធ្នាប់ និង សន្តិសុខសម្រាប់សហគមន៍មូលដ្ឋានទន្ទឹមនឹងនេះទីអារាមក៏ជាជម្រករបស់មនុស្សចាស់ សិស្ស និស្សិត បានទទួលការស្នាក់អាស្រ័យបន្តការសិក្សារៀនសូត្រ ដែរបច្ចុប្បន្នកម្ពុជាមានវត្តសរុប ៤,៩២៥វត្ត និងមានព្រះសង្ឃសរុប ៦៦,០៥៦ព្រះអង្គ។
ក្នុងឱកាសនោះដែរ ឯកឧត្តម នាយឧត្តមសេនីយ៍ កែ គឹមយ៉ាន បានថ្លែងអំណរគុណដល់មហាគ្រួសារអ្នកបន្ទាយមានជ័យដែលបានចូលរួមថែរក្សានិងសូមបន្តថែរក្សានូវសន្តិភាពនេះឲ្យបានស្ថិតស្ថេរគង់វង្សដើម្បីបន្តការអភិវឌ្ឍសហគមន៍មូលដ្ឋានយើងឲ្យកាន់តែរុងរឿងសំបូរសប្បាយនិងជីវភាពកាន់តែធូរធារសូមបងប្អូនទៅបោះឆ្នោតជូនគណបក្សប្រជាជនកម្ពុជាដែលមានរូបសញ្ញាទេវតាបាចផ្កា នៅលេខរៀងទី២០ “ ស្រួលចាំ ស្រួលគិត ស្រួលគូស “ នៅថ្ងៃទី២៩ ខែកក្កដា ឆ្នាំ២០១៨ខាងមុខ ឲ្យបានគ្រប់គ្នា ។
ជាវប្បធម៌ចែករំលែក និងគិតគូរពីសុខទុក្ខ ឯកឧត្តម នាយឧត្តមសេនីយ៍ កែ គឹមយ៉ាន បាននាំយកថវិកា បច្ច័យ និងអំណោយប្រគេន ចែកជូនមាន ៖
១.ប្រជាពលរដ្ឋចំនួន៣៤៥១នាក់ ម្នាក់ៗ ទទួលបានសារ៉ុង ១
២.មនុស្សចាស់ពីអាយុ៧០ឆ្នាំឡើងនៅឃុំបន្ទាយនាងចំនួន៤០០នាក់ ក្នុងម្នាក់ៗ ទទួលបាន : ថវិកា ២ មុឺនរៀល សារ៉ុង ១ កំសៀវដាំទឹកក្ដៅ មី ពិល ទឹកដោះគោ ប្រេងកូឡា ប្រេងខ្យល់ ស្ករស អំបិលអ៊ីយ៉ូតតែ កៅអៀក ។ ល។
៣.សាលាឃុំបន្ទាយនាង ថវិកា១លានរៀល
៤ . មណ្ឌលសុខភាពឃុំបន្ទាយនាង ថវិកាចំនួន៥០ មុឺនរៀល
៥.ភ្លេងពិណពាទ្យ ថវិកា៥០ម៉ឺនរៀល
៦.ជួសជុលផ្លូវប្រវែង២៧០០ម៉ែត្រពីភូមិបន្ទាយនាងដល់ភូមិអូរធំ
៧.ជួសជុលផ្លូវប្រវែង៤៦០០ម៉ែត្រពីភូមិទន្លាប់ដល់ភូមិដងរុនកើត
៨.ជួសជុលផ្លូវប្រវែង២១០០ម៉ែត្រពីភូមិព្រៃចង្ហាលិចដល់ភូមិអូរអណ្តូងកណ្តាល
៩.ជួសជុលផ្លូវប្រវែង៥០០ម៉ែត្រ នៅភូមិអូរអណ្តូងកណ្តាល
១០.ជួសជុលផ្លូវប្រវែង៧០០ម៉ែត្រ នៅភូមិអូរអណ្តូងកើត
១១.ជួសជុលផ្លូវប្រវែង៦៥០ម៉ែត្រ នៅភូមិពង្រ
១២.ផ្តល់ផ្លូវប្រវែង៤០០ម៉ែត្រ ជូន
សាលារៀនដងរុន
១៣.ផ្តល់ផ្លូវបេតុង២០០ម៉ែត្រ ជូនសាលាអនុវិទ្យាល័យឃីឡិ
១៤.ផ្តល់បណ្ណាល័យ១ខ្នង ៣បន្ទប់ ជូនសាលាបឋមសិក្សាពង្រ
១៥.ផ្តល់អគារសិក្សា១ខ្នង៥បន្ទប់ ជូនសាលាបឋមសិក្សាបន្ទាយនាង
១៦.ជួសជុលផ្លូវប្រវែង១គីឡូម៉ែត្រ ក្នុងភូមិជំទាវ
១៧.ប្រគេនបច្ច័យកសាងវត្តទឹកជុំបរមគង្គាបន្ទាយនាងចំនួន៥០០០ដុល្លា