នៅរសៀលថ្ងៃទី២៩ ខែមិថុនា ឆ្នាំ២០១៨ ឯកឧត្តម គួច ចំរើន គណៈអភិបាលខេត្តកំពង់ចាម បានសំណេះសំណាលជាមន្ត្រីរាជការនៅក្នុងសាលាខេត្តកំពង់ចាមទាំងអស់ដើម្បីបង្ហាញពីការបម្រើសេវាសាធារណៈជូនប្រជាពលរដ្ឋ និងត្រូវពង្រឹងសមត្ថភាពរបស់មន្ត្រីរាជការរបស់សាលាខេត្ត។
ឯកឧត្តម គួច ចំរើន បានស្នើដល់មន្ត្រីទាំងអស់ក្នុងសាលាខេត្តត្រូវតែសាមគ្គីភាពបំពេញការងារតាមតួនាទីរបស់ខ្លួនឲ្យបានល្អប្រសើរ ដែលមន្ត្រីមានតួនាទីបម្រើប្រជាពលរដ្ឋនិងបន្តខិតខំកែលំអឥរិយាបទក្នុងការបម្រើសាធារណៈជូនប្រជាជន ហើយជាមួយនឹងមន្ត្រីត្រូវបង្កើតវប្បធម៍ ទំនាក់ទំនងរវាងមន្ត្រីចេះទទួលខុសត្រូវជាមួយគ្នា។ សំណូមពររបស់មន្ត្រីរាជគ្រប់រូបត្រូវបង្ហាញនូវសមិទ្ធិផលរបស់រាជរដ្ឋាភិបាលដែលបានខិតខំប្រឹងប្រែងរបស់រាជរដ្ឋាភិបាលកម្ពុជាស្របច្បាប់ ដូច្នោះខ្លួនយើងរូបកុំភ្លេចត្រៀមពិនិត្យឈ្មោះបោះឆ្នោតនៅថ្ងៃខាងមុខនេះត្រូវបំពេញកាតព្វកិច្ចត្រូវតែចូលរួមទៅបោះឆ្នោតនៅថ្ងៃទី២៩ខែកក្តដាទាំងអស់គ្នា ដើម្បីជ្រើសរើសតំណាងរាស្ត្រប្រកបដោយភាពវ៉ៃឆ្លាត និងបានផ្តល់សុខសន្តិភាព សុវត្ថិភាព ការអភិវឌ្ឍន៍ និងការរីកចម្រើនជូនពលរដ្ឋកម្ពុជាទាំងមូល៕