ភ្នំពេញ៖ ក្រុមហ៊ុន ចៀន ឈឹង ថៃគ្រុប ដែលជាបុត្រសម្ព័ន្ធក្រុមហ៊ុនមេ YUETAI Group បានចុះហត្ថលេខាលើកិ្ចសន្យាស្តីពី ការជួលដីរបស់កំពង់ផែស្វ័យតភ្នំពេញ ពីគល់ស្ពានជ្រោយចង្វារមកដល់ផ្សាររាត្រី ដើម្បីអភិវឌ្ឍន៍ ជាមជ្ឈមណ្ឌលពាណិជ្ជកម្មចំរុះ ដែលត្រៀមចំណាយថវិកាលើការសាងសង់ហេដ្ឋារចនាសម្ព័ន្ធពាក់ព័ន្ធ ប្រមាណ៥០លានដុល្លារ ។ នេះបើយោងតាមសេចក្តីប្រកាសព័ត៌មាន។
សេចក្តីប្រកាសបញ្ជាក់ថា គម្រោងអភិឌ្ឍ មជ្ឈមណ្ឌលពាណិជ្ជកម្មចំរុះនេះ មានដូចជា៖« អគារបណ្តុំការិយាល័យពាណិជ្ជកម្ម, មជ្ឈមណ្ឌលសិល្បៈ, ទីធ្លាសម្តែងវប្បធម៌សិល្បៈ, ទីធ្លាសួនបាញ់ទឹក, របាំលើទឹក និងផ្សារអណ្តែតទឹក សួនកំពង់ផែ ទីធ្លាកម្សាន្ត និងសួនច្បារសាធារណៈ រួមនិងគម្រោងផ្សេងទៀត»។