ឯកឧត្តម ថង សាវុន អភិបាលខេត្តរតនគិរីមានប្រសាសសំដែងនូវការកោតសរសើរ នឹងវាយតំលៃខ្ពស់ចំពោះអាជ្ញាធរ ដែនដីគ្រប់លំដាប់ថ្នាក់ នឹងស្ថាប័នកងកម្លាំងប្រដាប់អាវុធ ទាំងបីប្រភេទ ដែលបានរៀបចំផែនការ ការពារសន្តិសុខ នឹងបានសហការជាមួយមន្រ្តីបោះឆ្នោត គ្រប់លំដាប់ថ្នាក់បានយ៉ាងល្អប្រសើរ ដែលបានធ្វើអោយចាប់ពីដំណាក់កាលធ្វើបច្ចុប្បន្នភាពបញ្ជីឈ្មោះបោះឆ្នោត នឹងការចុះឈ្មោះបោះឆ្នោតរហូតដល់ការបោះឆ្នោតជ្រើសតាំងតំណាងរាស្រ្តនីតិកាលទី៦ ត្រូវបានបញ្ចប់ក្នុងបរិយាកាសនយោបាយក៏ដូចជាសភាពការណ៍សន្តិសុខទូទៅពុំមានលេចចេញ ឡើងបាតុភាពធំដុំដែលធ្វើអោយប៉ះពាល់ដល់ដំណើរការបោះឆ្នោតឡើង។
ប្រសាសន៍ កោតសរសើរបែបនេះ ក្នុងឱកាសដែល ឯកឧត្តម អញ្ជើញជាអធិបតីភាព ក្នុងសន្និបាតបូកសរុបការបោះឆ្នោតជ្រើសតាំងតំណាងរាស្រ្តនីតិកាលទី៦ នាព្រឹកថ្ងៃទី ២៧ ខែ សីហា ឆ្នាំ ២០១៨ ដែលបានប្រារព្វធ្វើឡើង នៅសាលប្រជុំសាលាខេត្ត។
ឯកឧត្តម បានបន្តថាការបោះឆ្នោតជ្រើសតាំងតំណាងរាស្រ្តនីតិកាលទី៦ ឆ្នាំ២០១៨ នាថ្ងៃទី ២៩ ខែ កក្តដា ឆ្នាំ ២០១៨ ប្រព្រឹត្តិទៅដោយរលូន គ្មានការគំរាមគំហែងគ្មានការបំភិត បំភ័យ នឹងលទ្ធផលបោះឆ្នោតអាចទទួលយកបាន ចំណែកឯសន្តិសុខសណ្តាប់ធ្នាប់នៃការបោះឆ្នោតមានលក្ខណះល្អប្រសើរផងដែរបើទោះបីជាភូមិសាស្រ្តនៅតាមភូមិមួយចំនួនក្នុងរដូវវស្សាមានការលំបាកយ៉ាងណាក៏ដោយ មន្រ្តីនៃគណះកម្មការរៀបចំការបោះឆ្នោត គ្រប់លំដាប់ថ្នាក់ នឹងភាគីពាក់ព័ន្ធបានជំនះរាល់ការលំបាក ឧបសគ្គ រហូតទទួលបានលទ្ធផលគួរជាទីមោទន: ។
សរុបមកការបោះឆ្នោតបានដំណើរការទៅក្នុងបរិយាកាស សន្តិភាព ស្ងប់ស្ងត់ល្អគ្មានអំពើហឹង្សាប្រកបដោយភាពរលូនតម្លាភាព សេរីត្រឹមត្រូវយុត្តិធម៌ ស្របតាមគោលការណ៍លទ្ធិប្រជាធិបតេយ្យសេរីពហុបក្ស ដូចដែលចែងក្នុងរដ្ឋធម្មនុញ្ញ នៃព្រះរាជាណាចក្រកម្ពុជា ។
លោក ប៉ែន ឈុនឌី ប្រធានគណកម្មការរៀបចំការបោះឆ្នោតខេត្ត បានអោយដឹងថាការបោះឆ្នោតជ្រើសតាំងតំណាងរាស្រ្ត នីតិកាលទី៦ ឆ្នាំ ២០១៨ ក្នុងខេត្តរតនគិរី មានប្រជាពលរដ្ឋដែលបានអញ្ជើញទៅបោះឆ្នោតមានចំនួន សរុប ៧៨.៦២៤ នាក់ស្មើរនឹង ៨២.៤៣% នៃចំនួនអ្នកមានឈ្មោះក្នុងបញ្ជីសរុបចំនួន ៩៥.៣៨១ នាក់ ៕