ពិធីគោរពវិញ្ញាណក្ខ័ន្ធឯកឧត្តមសាស្ត្រាចារ្យ បីត​ រីចច្នឺ​ ស្ថាបនិកមន្ទីរពេទ្យគន្ធបុប្ផានៅក្រសួងសុខាភិបាល


នារសៀលម៉ោង៣​ ថ្ងៃចន្ទ​ ១កើត​ ខែភទ្របទ​ ត្រូវនឹងថ្ងៃទី១០​ ខែកញ្ញា​ ឆ្នាំ២០១៨​ នៅទីស្តីការក្រសួងសុខាភិបាល​ បានប្រារព្ធពិធីគោរពវិញ្ញាណក្ខ័នឯកឧត្តមសាស្ត្រាចារ្យ​ បីត​ រីចច្នឺ​ ស្ថាបនិកមន្ទីរពេទ្យគន្ធបុប្ផា​ ក្នុងមនោសច្ចេតនាក្តុកក្តួលអាឡោះអាឡៃ​ និងសោកស្តាយជាពន់ពេក។ ពិធីនេះ​ ប្រព្រឹត្តទៅក្រោមការដឹកនាំរបស់ឯកឧត្តមសាស្ត្រាចារ្យ​ ម៉ម​ ប៊ុនហេង​ រដ្ឋមន្ត្រីក្រសួងសុខាភិបាល​ និងមានការអញ្ញើញចូលរួមពីឯកឧត្តម​ លោកជំទាវ​ រដ្ឋលេខាធិការ​ អនុរដ្ឋលេខាធិការ​ អគ្គនាយក​ ប្រធាននាយកដ្ឋាន​ ប្រធានអង្គភាពនានាទាំងអស់ក្រោមឱវាទក្រសួងសុខាភិបាលនិងតំណាងមន្ត្រីសុខាភិបាល​ មន្ទីរពេទ្យជាតិ​ និងមន្ទីរពេទ្យគន្ធបុប្ផាផងដែរ។

យើងទាំងអស់គ្នាសូមសំដែងនូវការគោរព​ សោកស្តាយ​ និងចូលរួមមរណ:ទុក្ខយ៉ាងក្រៀមក្រំជាទីបំផុត។ សូមវិញ្ញាណកហខ័ន្ធឯកឧត្តមបានទៅកាន់សុគតិភពកុំបីឃ្លៀងឃ្លាតឡើយ។