ភ្នំពេញ៖ ឯកឧត្តម សុខ ឥសាន អ្នកនាំពាក្យគណបក្ស ប្រជាជនកម្ពុជា បានលើកឡើងថា គណៈប្រតិភូជាន់ខ្ពស់ នៃរាជរដ្ឋាភិបាលកម្ពជា ដឹកនាំដោយសម្តេចតេជោហ៊ុន សែន នាយករដ្ឋមន្ត្រីនៃកម្ពុជា បានទទួលជោគជ័យ ដ៏ត្រចះត្រចង់និងប្រកបដោយមោទកភាព ជាតិដ៏ខ្ពង់ខ្ពស់បំផុត ជូនជាតិមាតុភូមិកម្ពុជា ដោយត្រូវបានបណ្តាប្រទេស ជាង៥០ប្រទេស សម្រេចជាឯកច្ឆ័ន្ទឲ្យ កម្ពុជាធ្វើជាម្ចាស់ ផ្ទះរៀបចំកិច្ចប្រជុំកំពូលអាស៊ី-អឺរ៉ុប លើកទី១៣(ASEM) នៅឆ្នាំ២០២០ខាងមុខនេះ ។
សូមរំលឹកថានៅក្នុងពិធីបិទបញ្ចប់ នូវកិច្ចប្រជុំកំពូលអាស៊ី អឺរ៉ុប លើកទី ១២ កាលពីថ្ងៃទី១៩ខែតុលាកន្លង ទៅបណ្តាមេដឹកនាំនៃប្រទេស អាស៊ី-អឺរ៉ុប ទាំងអស់បានឯកភាពគ្នា ក្នុងការ ផ្តល់ឲ្យកម្ពុជា ធ្វើជាម្ចាស់ផ្ទះរៀបចំ កិច្ចប្រជុំកំពូលអាស៊ីអឺរ៉ុបលើកទី១៣ ក្នុងឆ្នាំ២០២០ខាងមុខ បន្តពីប្រទេសប៊ែលហ្សិក។
ឯកឧត្តម សុខ ឥសានបានលើកឡើងតាមបណ្ដាញទំនាក់ទំនង សង្គមតេឡេក្រាមនៅថ្ងៃទី២២តុលានេះថា ការសម្រេចជាឯកច្ឆ័ន្ទ នេះមិនមែនជារឿងចៃដន្យ នោះទេ។ការសម្រេចនេះពិត ជាមានមូលហេតុច្បាស់លាស់ណាស់ នោះគឺដោយសារ ៖
១- នៅកម្ពុជាមានសន្តិភាពពេញលេញ ដែលធានាដល់ដំណើរកាប្រជុំដោយរលូន និងមានសុវត្ថិភាព គ្មានហានីភ័យពីអំពើភេរវកម្មឡើយ។
២- នៅកម្ពុជាមានស្ថិរភាពនយោបាយ និងសុវត្ថិភាពសន្តិសុខសង្គមល្អ មិនព្រួយ
បារម្ភនឹងមានបាតុកម្មអនាធិបតេយ្យផ្តេសផ្តាស ។
៣-ទឹកដីកម្ពុជា មានលក្ខណៈភូមិសាស្ត្រស្រស់បំព្រង និងមានរមនីយដ្ឋានប្រវត្តិសាស្ត្រនិងធម្មជាតិយ៉ាងច្រើនជាទីចាប់អារម្មណ៍របស់អន្តរជាតិ ។
៤- ព្រះរាជាណាចក្រកម្ពុជាមានវប្បធម៌រុងរឿងសម្បូរបែបតាំងពីបុរាណកាល ដែលធ្វើឲ្យអន្តរជាតិចង់ដឹងចង់ឃើញនិងចង់ស្វែងយល់ ។
ឯកឧត្តម សុខ ឥសាន បានបញ្ជាក់ថា” ទាំងអស់នេះគឺជាមោទកភាពជាតិខ្មែរ ដែលរកបានដោយគណៈប្រតិភូ ជាន់ខ្ពស់នៃរារដ្ឋាភិបាលកម្ពុជាដឹកនាំ ដោយសម្តេចតេជោហ៊ុន សែន នាយករដ្ឋមន្រ្តីដ៏មានសក្តានុពលនៃ ព្រះរាជាណាចក្រកម្ពុជាអច្ឆរិយ: ដែលពិភពលោកទទួលស្គាល់ និងលើកតម្កើង។ដោយឡែក ពួកប្រឆាំងនិងពួកឧទ្ទាមក្រៅច្បាប់ដែលកំពុង ពនេចរកាត់វាលវដ្តសង្សា ឯនាយសមុទ្រក៏ពួកគេស្រែកពីជ័យជំនះរបស់ពួកគេដែរ ។ តែជ័យជំនះរបស់ពួកគេ គឺជ័យជំនះខាងធ្វើអំពើអនាធិបតេយ្យខាងមូលបង្កាច់ សភាពការណ៏ពិតនៅកម្ពុជា បង្ករឿងអាស្រូវធ្វើឲ្យខូចកិត្តិយសនិងមុខមាត់ ជាតិសាសន៏ឯង ផ្គាប់ចិត្តបរទេសជាចៅហ្វាយ នាយក្នុងគោលដៅឱបដៃឱបជើងបរទេស ដើម្បីចង់បានអំណាដែលមិន អាចបានរបស់ពួកគេតែប៉ុណ្ណោះ។ នេះហើយជាជ័យជំនះដែលពួក គេនាំគ្នាស្រែកក្តែងៗរាល់ថ្ងៃដោយមិនចេះអៀនខ្មាស់ទាល់ តែសោះ ។ តែទោះបីនាំគ្នាស្រែកទាល់ងាប់ខ្លួន ទៀតក៏គ្មានបានការសោះឡើយ “៕ ដោយ៖ ស សំណាង