ខេត្តព្រៃវែង៖ ពិធីបើកបវេសនកាលជានិមិត្តរូប ឆ្នាំសិក្សា ២០១៨-២០១៩ ត្រូវបានប្រារព្ធឡើងដើម្បីអបអរសាទរដល់ការបើកបវេសនកាលឆ្នាំសិក្សាថ្មី ព្រមទាំងដើម្បីជំរុញលើកទឹកចិត្តលោកគ្រូ អ្នកគ្រូ ក៏ដូចជាសិស្សានុសិស្សខិតខំប្រឹងប្រែងក្នុងការរៀន និងការបង្រៀនឱ្យកាន់តែមានប្រសិទ្ធភាព ដើម្បីឆ្ពោះទៅរកការបណ្ដុះធនធានមនុស្សប្រកបដោយសមត្ថភាព។
កម្មវិធីនេះត្រូវបានប្រារព្ធឡើងក្រោមអធិបតីភាពឯកឧត្ដម ពិត ចំណាន រដ្ឋលេខាធិការក្រសួងអប់រំ យុវជន និងកីឡា នាព្រឹកថ្ងៃព្រហស្បតិ៍ ៨រោច ខែអស្សុជ ឆ្នាំច សំរឹទ្ធិស័ក ព.ស.២៥៦២ នៅវិទ្យាល័យ ហ៊ុន សែន កំពង់លាវ ស្ថិតក្នុងក្រុងព្រៃវែង ខេត្តព្រៃវែង។ ក្នុងឱកាសនោះ ក៏មានការចែករង្វាន់សិស្សពូកែលេខ១ លេខ២ លេខ៣ និងបណ្ណសរសើរដល់សិស្សប្រឡងប្រណាំង៣ល្អ ព្រមទាំងចែកវត្ថុអនុស្សាវរីយ៍ជូនដល់លោកគ្រូ អ្នកគ្រូដែលបានចូលនិវត្តន៍៕
