ឯកឧត្ដម ឃួង ស្រង អញ្ជើញចូលរួមក្នុងពិធីបើកបវេសនកាល​ឆ្នាំសិក្សា​ថ្មី២០១៨-២០១៩


ភ្នំពេញ ថ្ងៃទី០១ ខែវិច្ឆិកា ឆ្នាំ២០១៨ -កាលពីព្រឹកថ្ងៃព្រហស្បតិ៍ ៨រោច ខែអស្សុជ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី០១ ខែវិច្ឆិកា ឆ្នាំ២០១៨ ឯកឧត្ដម ឃួង ស្រេង អភិបាល នៃគណៈអភិបាល រាជធានីភ្នំពេញ បានអញ្ជើញចូលរួម​ក្នុងពិធី​បើកបវេសនកាលឆ្នាំ២០១៨-២០១៩ នៅអនុវិទ្យា ល័យចតុមុខ សង្កាត់ជ័យជំនះ ខណ្ឌដូនពេញ។

 

ឯកឧត្ដម ឃួង  ស្រេង អភិបាលរាជធានីភ្នំពេញ បានបញ្ជាក់ថា ថ្ងៃជាថ្ងៃដែលប្អូនៗ កូនក្មួយ ត្រូវចូលសិក្សា ស្រាប់ឆ្នាំសិក្សា២០១៨-២០១៩ ទាំងសិស្សានុសិស្ស ចំណេះទូទៅ ទាំងអស់ដែលជាកុលបុត្រ កុលធីតាជាទីស្រឡាញ់របស់យើងគ្រប់ៗគ្នា មានឱកាសទទួល បាននូវការអប់រំ ឱកាសក្នុងការបន្តការសិក្សារៀនសូត្រ និងជាថ្ងៃ​ចាប់ផ្តើម ជីវិតសិក្សាដំបូង របស់កុមារតូចៗ ដែលទើបនឹងដល់អាយុចូល​សាលារៀន​ផងដែរ។

 

ឯកឧត្ដមបានបន្ដថា ក្នុងនាមអាជ្ញាធររាជធានីភ្នំពេញ ខ្ញុំក៏សូមថ្លែងអំណរគុណ យ៉ាង​ជ្រាលជ្រៅបំផុត ជូនចំពោះលោកគ្រូ អ្នកគ្រូបង្រៀនទាំងអស់នៅទូទាំងប្រទេស ដែលបានខិតខំលះបង់កម្លាំងកាយ​ ប្រាជ្ញា ស្មារតី បង្ហាត់បង្រៀនសិស្ស ឱ្យទទួល​បានចំណេះ ដឹង ជំនាញ សីលធម៌ និងកាយសម្បទារឹងមាំ ដើម្បីក្លាយជាពលរដ្ឋល្អ ដែលជាសសរទ្រូង ដ៏រឹងមាំ ក្នុងការអភិវឌ្ឍប្រទេសជាតិឱ្យសម្បូររុងរឿង។ ជាមួយ​គ្នានោះ ការចូលរួមរបស់មា តាបិតា អ្នកអាណាព្យាបាលសិស្ស អាជ្ញាធរដែនដី និងដៃគូអភិវឌ្ឍន៍ ទាំងអស់ ក៏ជាកម្លាំងសរុបមួយ ជួយដល់ការអភិវឌ្ឍវិស័យ​អប់រំនៅ​កម្ពុជា ឱ្យមានដំណើរការ យ៉ាងរលូន និងទទួលបានជោគជ័យ គួរជាទីមោទនៈ ក្នុងរយៈពេលកន្លងមកនេះផងដែរ។

 

ឯកឧត្ដម ឃួង ស្រេង  បានលើកឡើងថា ការអប់រំ គឺជាកូនសោរ សម្រាប់ដោះស្រាយ​រាល់បញ្ហា សង្គម និងសេដ្ឋកិច្ចជាតិ ព្រោះថាឧត្តមភាព ប្រកួតប្រជែងរបស់ ប្រជាជាតិ​មួយ ​គឺអាស្រ័យយ៉ាងសំខាន់ ទៅលើការកសាង ធនធានមនុស្សប្រកបដោយ​ចំណេះ​ដឹង ​ចំណេះធ្វើ និងសីលធម៌។  ការអប់រំ គឺជាកូនសោរ សម្រាប់ដោះស្រាយនូវរាល់​បញ្ហាសង្គម និងសេដ្ឋកិច្ច ជាតិ ព្រោះថាឧត្តមភាពប្រកួតប្រជែងរបស់ប្រជាជាតិមួយ ​គឺអាស្រ័យយ៉ាងសំខាន់ទៅ លើការកសាងធនធានមនុស្ស ប្រកបដោយចំណេះដឹង ​ចំណេះធ្វើ និងសីលធម៌ ដើម្បីឆ្លើយ តបទៅនឹងតម្រូវការទីផ្សារពលកម្មផងដែរ និងដើម្បីជំរុញឱ្យមានការផ្លាស់ប្តូរ នៃរចនាសម្ព័ន្ធ សេដ្ឋកិច្ច សង្គម និងវប្បធម៌ តាមរយៈ​កម្មវិធីកំណែទម្រង់ស៊ីជម្រៅក្នុងបរិបទទំនើប ក្នុងវិស័យបច្ចេកវិទ្យា ដែល​ឈរលើ មូលដ្ឋាននៃចំណេះដឹង គុណភាពនៃការអប់រំ គឺជាគន្លឹះ សម្រាប់​ដោះស្រាយ​រាល់បញ្ហាប្រឈមនានា។

ឯកឧត្ដមបានបន្ដថា ការអភិវឌ្ឍ សេដ្ឋកិច្ច និងសង្គម ក៏ដូចជាការ អភិវឌ្ឍសហគមន៍ និងក្រុមគ្រួសារ ហើយសហគមន៍ គ្រួសារសាលារៀន គឺជាតួអង្គដ៏សំខាន់មួយ ក្នុងចំណោម តួអង្គស្នូល ក្នុងការកសាងធនធានមនុស្ស ព្រោះការអប់រំ ទើបមាន​ធនធានមនុស្សល្អ សម្រាប់ការពារ កសាង អភិវឌ្ឍន៍ ប្រទេសជាតិរបស់យើង” ។

ឯកឧត្ដម ឃួង ស្រេង  ក៏បានរម្លឹកនូវរឿងរ៉ាវប្រវត្តិសាស្ត្រថា ក្រោយថ្ងៃរំដោះ សម្តេច តេជោ ហ៊ុន សែន បានគិតគូរអាទិភាពធំ តាំងពីពេលនោះមក គឺបញ្ហាបណ្តុះបណ្តាល​ ធនធានមនុស្សចាប់ពីពេលនោះមក។ ឆ្នាំ១៩៧៩-១៩៨០ យើងក៏មាន​បើកបវេសន​កាល នៅថ្ងៃទី២៤ ខែកញ្ញា ដើម្បីប្រមូលសិស្សានុសិស្ស ដែលសល់ពីកាកាប់សម្លាប់ ឱ្យចូលរៀន ហើយនៅពេលនោះ ការចូលរៀន តាមរយៈ អ្នកចេះច្រើន បង្រៀន​អ្នកចេះតិច អ្នកចេះតិច បង្រៀនអ្នកមិនចេះ រហូតដល់បច្ចុប្បន្ននេះ ធនធានមនុស្ស នៅក្នុងប្រទេសកម្ពុជា ក្លាយ ទៅជាប្រទេសមួយដែលមានធនធានមនុស្សសម្បូរបែប មានថ្នាក់បណ្ឌិត ថ្នាក់បរិញ្ញា និងអនុបណ្ឌិតជាដើម។

ជាមួយគ្នានោះ រដ្ឋបាលរាជធានីភ្នំពេញ ក៏បាននាំយកអំណោយជាថវិកា និងសម្ភារ សិក្សារបស់សម្តេចតេជោ ហ៊ុន សែន ដើម្បីចែកជូនដល់សិស្សានុសិស្ស ជាពិសេស សិស្សពូកែ​ប្រចាំរាជធានីភ្នំពេញ សម្រាប់ជាប់ចំណាត់ថា្នក់លេខ១ ដល់លេខ៣ បានកាតាប១ សៀវភៅ ១០ក្បាល ប៉ិច២ដើម និងថវិកា ១៥ម៉ឺនរៀល, ដោយឡែក សិស្សជាប់ចំណាត់ថ្នាក់ លេខ៣ដល់លេខ៥ បានកាតាប១ សៀវភៅ៥ក្បាល ប៊ិក២ដើម និងថវិកា១០ម៉ឺនរៀល និងសិស្សមិនជាប់ចំណាត់ថ្នាក់​ក៏បានផ្ដល់ការ​លើកទឹកចិត្ដបានសៀវភៅ៥ក្បាល ប៊ិក២ដើម និងថវិកាមួយចំនួនផងដែរ៕