ព្រឹកថ្ងៃទី៥ ខែធ្នូ ឆ្នាំ២០១៨ ឯកឧត្តមបណ្ឌិត ឃឹម ប៊ុនសុង អភិបាល នៃគណៈអភិបាលខេត្តសៀមរាប បានអមដំណើរសម្ដេចចៅហ្វាវាំងរវវៀងជ័យ អធិបតីស្រីង្គារ គង់ សំអុល ទទួល និងដង្ហែអដ្ឋិធាតុ ឯកឧត្តមសាស្ត្រាវេជ្ជបណ្ឌិត Beat Richner អតីតស្ថាបនិកមន្ទីរពេទ្យគន្ធបុប្ផាមកតម្កល់ទុកនៅចេតិយមុខមន្ទីរពេទ្យគន្ធបុប្ផាខេត្តសៀមរាប។
អដ្ឋិធាតុឯកឧត្តមសាស្ត្រាចារ្យវេជ្ជបណ្ឌិត Beat Richner ត្រូវបានដង្ហែមកដល់អាកាសយានដ្ឋានអន្តរជាតិសៀមរាបហើយ នៅព្រឹកថ្ងៃទី៥ខែធ្នូឆ្នាំ២០១៨នេះ។ បន្ទាប់មកដង្ហែឆ្ពោះទៅកាន់មន្ទីរពេទ្យគន្ធបុប្ផាខេត្តសៀមរាប ដើម្បីយកមកតម្កល់នៅចេតិយនៅមុខមន្ទីរពេទ្យគន្ធបុប្ផាសៀមរាបដើម្បីតម្កល់ទុកអោយឲ្យពលរដ្ឋខ្មែរអាចគោរពវិញ្ញាណក្ខន្ធ័របស់ឯកឧត្តម ។
សូមដួងវិញ្ញាណក្ខន្ធរបស់ឯកឧត្ដម បានទៅកាន់សុគតិភពកុំបីឃ្លៀងឃ្លាតឡើយ៕
