រាជធានីភ្នំពេញ៖ ពិព័រណ៌យន្តហោះ និងបច្ចេកវិទ្យា “AIR & TECH SHOW 2018” ត្រូវបានប្រព្រឹត្តទៅរយៈពេលបីថ្ងៃចាប់ពីថ្ងៃទី១៤-១៥-១៦ ខែធ្នូ ឆ្នាំ២០១៨ កន្លងមក នឹងបានបញ្ចប់នារសៀលថ្ងៃទី១៦ ខែធ្នូ ឆ្នាំ២០១៨នេះ ដោយឯកឧត្តម ហ៊ុន ម៉ានី ប្រធានគណៈកម្មការអប់រំ យុវជន កីឡា ធម្មការ កិច្ចការសាសនា វប្បធម៌ និងទេសចរណ៍ និងជាប្រធានសហភាពសហព័ន្ធយុវជនកម្ពុជា និងឯកឧត្តមបណ្ឌិត អឹុម កុច រដ្ឋលេខាធិការ ក្រសួងអប់រំ យុវជន និងកីឡា និងជាតំណាងដ៏ខ្ពង់ខ្ពស់របស់ឯកឧត្តមបណ្ឌិតសភាចារ្យ ហង់ ជួន ណារ៉ុន រដ្ឋមន្រ្តីក្រសួងអប់រំ យុវជន និងកីឡា បានផ្តល់កិត្តិយសចូលរួមទស្សនាកម្មវិធីពិព័រណ៌នេះ ដែលរៀបចំដោយសហភាពសហព័ន្ធយុវជនកម្ពុជា ខេត្តស្វាយរៀង
គាំទ្រដោយកងទ័ពជើងអាកាស និងក្រសួងអប់រំ យុវជន និងកីឡា ក្រោមការឧបត្ថម្ភដោយគូពាក់ព័ន្ធផ្សេងទៀត នៅមូលដ្ឋានទ័ពអាកាសពោធិចិនតុង៕
សូមរំលឹកផងដែរថា នេះជាព្រឹត្តការណ៍ពិព័រណ៌យន្តហោះ និងបច្ចេកវិទ្យា លើកដំបូង ក្នុងព្រះរាជាណាចក្រកម្ពុជា ដោយមានការបង្ហាញបច្ចេកវិទ្យាថ្មីៗ ជាកម្មវិធីដ៏មានសារៈសំខាន់សម្រាប់សាធារណជន ពិសេសយុវជនដែលមានចំណូលចិត្តលើជំនាញ និងមុខវិជ្ជាផ្នែកយន្តហោះ អាកាសចរ បច្ចេកវិទ្យា ការសរសេរកូដ វិស្វកម្ម និងវិទ្យាសាស្រ្តជាដើម។
