ព្រឹកថ្ងៃអាទិត្យ ៩កេីត ខែមិគសិរ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី១៦ ខែធ្នូ ឆ្នាំ២០១៨ នៅសាលាបឋមសិក្សាអូររាំងឪ បានរៀបចំពិធីសម្ពោធដាក់ឱ្យប្រេីប្រាស់ប្រព័ន្ធចម្រោះជីវខ្សាច់ ក្រោមអធិបតីភាពលោកឧកញ៉ា ជឹង ធានគាត និងលោក ងួន ប៊ុណ្ណាន អភិបាល នៃគណ:អភិបាលស្រុកអូររាំងឪ។ ពិធីនេះក៏មានការអញ្ជេីញចូលរួមពីឯកឧត្តម លោកជំទាវ លោក លោកស្រីជាប្រតិភូ លោក លោកស្រីអភិបាលរងស្រុក នាយករដ្ឋបាលសាលាស្រុក លោកមេបញ្ជាការកងកម្លាំងប្រដាប់អាវុធទាំងបីរបស់ស្រុក ប្រធានការិយាល័យជុំវិញស្រុក និងចំណុះសាលាស្រុក ក្រុមប្រឹក្សាឃុំអំពិលតាពក មេភូមិចំណុះសាលា លោកគ្រូ អ្នកគ្រូ អាណាព្យាបាលសិស្ស ព្រមទាំងសិស្សានុសិស្សសរុបប្រមាណជាង ១,០០០នាក់។ ជាមួយនោះលោកឧកញ៉ា និងលោកជំទាវ ព្រមទាំងក្រុមការងារបានឧបត្ថម្ភដូចខាងក្រោម ៖
-ចាក់ផ្លូវបេតុងបង្ហេីយក្នុងបរិវេណសាលា ថវិកា ១,០០០$
-តុសម្រាប់ដាក់កុំព្យូទ័រ១ កុំព្យូទ័រលេីតុ និងម៉ាស៊ីនព្រីនធឺរមួយសម្រាប់ ដល់សាលាបឋមសិក្សាអូររាំងឪ
-ក្រុមប្រឹក្សាឃុំអំពិលតាពក និងមេភូមិចំណុះសាលាសរុបចំនួន ១៧នាក់ ក្នុងម្នាក់ៗទទួលបានសារុង ១ ថ្នាំពេទ្យ ១កញ្ចប់ និងថវិកា ១០០,០០០៛
-លោកគ្រូ អ្នកគ្រូចំនួន ២៤នាក់ ក្នុងម្នាក់ៗទទួលបានសារុង ១ ថ្នាំពេទ្យ ១កញ្ចប់ មួកសុវត្ថិភាព ១ និងថវិកា ១០០,០០០៛
-សិស្សានុសិស្សចំនួន ៩៥០នាក់ ក្នុងម្នាក់ៗទទួលបានដបដាក់ទឹក ១ សៀវភៅ ២ក្បាល ខ្មៅដៃ ២ដេីម ជ័រលុប ១ ដែកខួង ១ និងថវិកា ១០,០០០៛
-ប្រជាការពារ និងនគរបាលចរាចរណ៍ចំនួន ១០នាក់ ក្នុងម្នាក់ៗទទួលបានថវិកាចំនួន ៥០,០០០៛។
