ភ្នំពេញ៖ ឯកឧត្តម សុខ ឥសាន អ្នកនាំពាក្យគណបក្សប្រជាជនកម្ពុជានៅថ្ងៃទី១៨ ខែ ធ្នូ ឆ្នាំ ២០១៨នេះបានលើកឡើងថា ពេលទណ្ឌិតសម រង្ស៊ី ចូលមកស្រុកខ្មែរភ្លាម សមត្ថកិច្ចនឹងចាំទទួលស្វាគមន៍ហើយនាំយកទៅសេតវិមានព្រៃសស្របតាមអំណាចច្បាប់។
ឯកឧត្តម សុខ ឥសាន អះអាងបែបនេះក៏ព្រោះតែសម រង្ស៊ីត្រូវរងនូវសាលក្រមរបស់តុលាការឲ្យជាប់គុក២ឆ្នាំនិងបង់ប្រាក់៨លានរៀលពីបទចាញ់ក្តីបរិហារកេរ្តិ៍ឧបនាយករដ្ឋមន្រ្តី ហោ ណាំហុងកាលពីឆ្នាំ២០១៣ ។
អ្នកនាំពាក្យគណបក្សប្រជាជនកម្ពុជាបានបញ្ជាក់តាមរយៈបណ្ដាញទំនាក់ទំនងសង្គមតេឡេក្រាមថា”អ្នកណាក៏បានដឹងដែរ ថាសម រង្ស៊ីត្រូវរងនូវសាលក្រមរបស់តុលាការឲ្យជាប់គុក២ ឆ្នាំនិងបង់ប្រាក់៨លានរៀលពីបទចាញ់ក្តីបរិហារកេរ្ត៏ ឧបនាយករដ្ឋមន្រ្តីហោ ណាំហុងកាលពីឆ្នាំ២០១៣ ហើយបានរត់គេចខ្លួនចាប់ពីពេលនោះរហូតមក ។ ដូច្នេះនៅពេលមាន វត្តមានមុខរបស់ទណ្ឌិតសម រង្ស៊ីភ្លាមសមត្ថកិច្ចនឹងស្វាគមន៍ទណ្ឌិតរូបនេះភ្លាមតាមដីកាចាប់ខ្លួនដែលមានស្រាប់និងនៅជាធរមាន ហើយនឹងបញ្ជូនទៅសេតវិមានព្រៃស្របតាម អំណាចច្បាប់”៕
