ល្ងាចថ្ងៃទី១៦ ខែ តុលា ឆ្នាំ ២០១៦ នៅស្នាក់ការគណបក្សប្រជាជនខេត្តពោធិ៍សាត់មានប្រារព្ធពិធីសូត្រមន្ត ដើម្បីដង្ហែរអង្គកឋិនទានទៅប្រគេនព្រះសង្ឃដែលគង់ចាំវស្សាអស់រយ:ត្រីមាស នៅវត្តពោធិ៍សុទស្សន៍ ស្ថិតក្នុងសង្កាត់ស្វាយអាត់ ក្រុងពោធិ៍សាត់ ក្រោមអធិបតីភាពដ៏ខ្ពង់ខ្ពស់ ឯកឧត្តម ខូយ សុខា ប្រធានគណ:កម្មាធិការគណបក្សខេត្ត និងលោកជំទាវ ឯកឧត្តម ម៉ៅ ធនិន អនុប្រធានគណ:កម្មាធិការគណបក្សខេត្តនិងលោកលោកជំទាវ ។ ព្រមទាំងមានការអញ្ជើញចូលរួមពីឯកឧត្តមក្នុងគណ:អចិន្ត្រៃយ៍គណបក្សខេត្តនិងលោកជំទាវ ឯកឧត្តម សមាជិកគណ:កម្មាធិការគណបក្សខេត្តនិងលោកជំទាវ លោក លោកស្រី ជាប្រធានគណ:កម្មាធិការសាខាគណបក្សតាមមន្ទីរ អង្គភាពនានាជុំវិញខេត្តផងដែរ ព្រមទាំងសមាជិកសមាជិកា ពុទ្ធបរិស័ទ លោកយាយលោកតា ដែលមានសទ្ធាជ្រះថ្លាក្នុងអង្គកឋិនទានយ៉ាងច្រើនកុះករផងដែរ។
