បន្ទាប់ពីបានចូលពិនិត្យ និងផ្តល់ការសាងសង់អគារសិក្សាថ្មីដល់សាលារៀនចំនួន៦ នៅស្រុកព្រះនេត្រព្រះនិងក្រុងសិរីសោភ័ណរួចមក នៅរសៀលថ្ងៃទី១៨ ខែតុលាឆ្នាំ២០១៦នេះ សម្តេចអគ្គមហាសេនាបតីតេជោហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា អញ្ជើញចុះពិនិត្យ និងផ្តល់ការសាងសង់អគារថ្មី ដល់វិទ្យាល័យចំនួន៣ ថែមទៀត រួមមានវិទ្យាល័យ ហ៊ុន សែន មង្គលបុរី និងវិទ្យាល័យមង្គលបុរី ស្ថិតស្រុកមង្គលបុរី និងវិទ្យាល័យស្វាយចេក ស្ថិតក្នុងស្រុកស្វាយចេក ខេត្តបន្ទាយមានជ័យ។
សម្តេចតេជោ ហ៊ុន សែន បានសម្រេចផ្តល់អគារសិក្សាថ្មីមួយខ្នង ស្មើនឹង៣០បន្ទប់ និងទីចាត់ការ ព្រមទាំងរៀបចំទីលានកីឡា និងផ្តល់ជូនកុំព្យូទ័រ ព្រីនធឺ និងម៉ាស៊ីនកូពីមួយចំនួនទៀត សម្រាប់វិទ្យាល័យនីមួយៗ។